2011
Haļava valda pasauli II
Da. Nikas nav mainiejīs, haļava man nav porstōjuse patikt :)
Šudiņ nu reita, parreizi pec stuņdinīka reita zvona, maņ pa telefonu pīzvanēja kurjers i sacēja, ka ir klōt ar dōvonom. Līta taida, ka es pyrmūdiņ strōdōju vysu dīnu pi datora i lobōju informatikas eksamena dorbus un paraleli tam maņ fonā strōdōja Twitter’s. Nu interneta veikala 1a.lv pazibēja paziņōjums:
Sākam!:) RT un seko @SamsungLV un @1a_lv!!! Šodien Twitter cena @SamsungLV NF210 tīmekļa datoram – TIKAI Ls 210!! http://bit.ly/iSxSAk
Nu es i porsyutieju. Koč ari @saprge i cyti dyžan čortojās, ka ļauds tai dora. A vokorā, kod atjōju nu dorba, izlasieju:
Pirmais laimīgais @SamsungLV un @1a_lv balvas ieguvējs – @cyxob! Apsveicam, lūdzu sazinies ar mums DM! Rīt gatavojamies jaunai akcijai:)
Es pat nabeju izlasiejs, kas ir dōvonā. Nu dūmōju, kaids atslāga pīkareņš, ci leitasorgs. Kod uzzynōju, ka tys ir ōrejais cītais disks, афигел!
Tai ņiuļa maņ uz rūkom ir itei breineigō dōvona. I smuka i praktiska. Byus, kur korstūs datus globōt. A vacais, lobais Western Digital ½TB byus deļ ōbuļa laika mašiņis.
Eva, kai smuki izaver:
2011
Informātikas eksāmens 2011
Pyrmais informatikas eksamens munā darbeibas laikā. Agrōk beja obligatō vaļsts īskaite. Progōjušā godā eksamenu pi maņi nivīns lalyka, bet itymā godā līk 4 cylvāki nu 13.
Vakar jau sōku gatavōtīs – izsvīžu (īkurim) vasalu koponu ar papeirim un sakōrtōju kabinetu. Un pi duravom dalyku breidynōjuma zeimi, ka vāga byut klusam, kod īt gar kabineta duravom.
Eva, kaida breineiga zeime uz dzaltona papeira:
Atgōju nu reita uz dorbu, a zeimes vaira nav :( dalykts nazkaids syuds “Notiek eksāmens” Times New Roman fontā ar rībeiga paskota lopas īrāmiejumu. :O
Izarōda, nu reita školā jer bejs cirks! Atgōja mōceibu daļa – nasaprota. Tod bejuse vasala delegaceja – mōceibu daļa, direktore i 1 ci diveji vītnīki :D Vītnīkam informatikas vaicojumūs prosa:
- Kas tys taids? Kas ir “STFU”?
A jis nazyna :) Soka:
- davai googlē pasaveram!
Pasavēre! Pyrmais rezultats: http://en.wikipedia.org/wiki/STFU
Sōkās kipišs un muna zeime tyka nu duravom nahrenizeita :)
Kod gōju pec eksamena dorba lopom, direktore maņ mozgōja golvu, ka “tā skolā nedrīkst”, “bērni taču ņem piemēru no skolotāja” u.t.t. :) Nabeju tai prīcōjīs nu sastdines nakts. This make my day!
Progōjušā godā vysi beja sazacapušs, ka atgōju uz eksamenu šortūs :)
Retoriskais vaicojums: Kū ness nōkušais gods?
2011
Ē Elksnis
Taids glups nūsaukums par tū, ka tys beja pyrmais, kas īzašōve golvā :)
Baismeigi seņ naasu nikū īrakstiejs žurnalā. Nabeja laika. A kod nav laika dūmas ir nasakōrtōtas i saklas.
Pec pordzeivōtō nagadiejuma, ņiuļa vyss ir labi. Rāta smuki aizauga i nalac acīs. Cikam kas, asu īsnīdzs īsnāgumus Jelgavas Dūmī un prokuraturā. Atbiļžu vāļ navaida.
Ar telefonu biedeigi — jau mienesi dzeivoju bez sova Xperia. Aizvasts iz nazkaidu pasauļa molu (mož Japānu?), kur jū rauga salobōt. Ar gora acim tai i radzu, kai 4 ačkariki boltūs halatūs pi operaceju golda zam tōm brīsmeigi spylgtajom lampom jau 2 nedeļis nu vītas ar mozim, smolkim lūdāmurim pojoi muna X10 vōrgū mīsu :) Viņ maņ nu tō ni sylts ni solts. Atdūdit kuļdinīku!
A vāļ munā dzeivē ir taidi jaunumi, ka es braugļu paceļi nu Jelgavas. Gona maņ tī dzeivōt. Gona nateireibas, urlu, saspīsteibas, nasvaiga gaisa i brīsmeigu ceļu. Dzeivōšu bez moza dzerauņī. Pogosta centrā — Ūzuļnīkūs (Ozolnieki). Plašūs apartamentūs, kur nabyus vysim 4 jōguļ 1 ustobā. Var saceit, sōksīs jauna dzeive. Cerams lobōka…
2011
Uzvelc!
Tys nu ir nūtics — es asu tics uzvelckreklu.lv. Kaidu strāčeiti atpakaļ aizsyutieju pōrs ideju uz jūs e-postu. Sajiemu atbiļdi, ka “ничётак”, ja pi idejom vāļ pīstrōdoj. Tai nu es sōku pīstrōdōt, bet kontaktpersona pazuda ar golim. Izarōda, ka vaira tī nastrōdoj. Tai nu es sōku vysu proceduru par jaunu. Tyku tik tōļi, ka maņ īdeve paroļus ftp serveram, kap varātu nūformēt dorbus deļ veikala. Tū ari izdarieju. Ņuiļa asu mōkslinīka pačotā :) Muna profila lopa: http://uzvelckreklu.lv/lv/katalogs/musu_makslinieki/?id=407877 (eisō saite: http://ej.uz/9bat).
Uz itū momentu var pasyuteit sekujūšas apdrukas: Read more >>
2011
Individuālais komersants #1
Foto:nra.lv
Laikam palīku vacs ci kai, bet izdūmōju pīreģistrēt sovu uzjāmumu. Ik pa laikam ir halturkas, bet ir taidi klienti, kam nav īspieju moksōt pa taisnū iz rūkom. Tod jīm ir čakars ar uzjāmuma leigumim i tai… Grib kab byutu uzjāmums. Tai sprostōk.
Tod nu es izdūmōju vakar aizīt uz VID’u Read more >>
2010
Trolololo!
Šudiņ lobōju bārnu dorbus un nūģivu histeriskūs smīklus :) Beja dorbs par e-postu. Vysaidi uzdavumi. Vīns nu jīm:
Vēstules tekstā uzraksti, kādas ir elektroniskā pasta izmantošanas priekšrocības un trūkumi.
Vīna bārna atbiļdis maņi īdzyna stuporā. Pazaprīcoj ari tu:
Priekšrocības un trūkumi Internets
Laikā viņa attīstība brauciens no Neanderthals līdz Homo erectus un pēc tam līdz Homo sapiens, vīrietis ir pienācis garu ceļu. Jo viņš nepārtraukti meklējumi vairāk un vairāk ērtības un iekārtas, deviņdesmitajos gados esam pieredzējuši lielu apgriezties ar izgudrojums datoru. Pirms 10 gadiem, jēdziens internets bija praktiski anonīma uz lielāko daļu cilvēku. Un šodien internets ir kļuvis par lielāko jebkad iedarbīgs līdzeklis, lai cilvēks visā pasaulē. Internets ir kolekcija dažādu pakalpojumiem un resursiem.
Lai gan daudzi cilvēki vēl joprojām domāju, ka e-pastu un World Wide Web, jo princips sastāvdaļas internetā, ir daudz vairāk veikalu nekā e-pasta, tērzēšanas telpu popularitātes tīmekļa vietnēm un meklētājprogrammām. Tā arī kļuva par labāko biznesa instruments mūsdienu scenāriju. Šodien internets ir devusi pasaules vienā istabā. Jau no ziņu pāri stūrī pasaulē, zināšanu bagātības, iepirkumu, iegādājoties biļetes par jūsu mīļākie filmu, viss ir pirkstu gali. Internets ir liels potenciāls un daudz ko piedāvāt … Taču, tāpat kā katru inovācijas zinātnes un tehnoloģijas, internets ir savas priekšrocības un trūkumi.
Priekšrocības
Paziņojums:
Galvenais mērķis internetā vienmēr ir bijusi saziņai. Un internets ir izcilām aiz cerības Still,. Jauninājumi ir notiek, lai padarītu to ātrāku un uzticami. Ar Advent datoru interneta, mūsu zeme ir samazināta un ir sasniedzis formu globālajā ciematā.
Tagad mēs varam sazināties daļu otru ar personu, kas sēž citā pasaules daļā. Šodien labākas komunikācijas, mēs varam izmantot iekārtas e-pastu, mēs varam tērzēt stundām ar mūsu mīļajiem. Ir daudz kurjera pakalpojumus piedāvāt. Ar palīdzību šo pakalpojumu, ir kļuvis ļoti viegli izveidot sava veida pasaules draudzība, kur jūs varat dalīties ar jūsu domas var izpētīt citu kultūru dažādas tautības.
LOL!
2010
Haļava valda pasauli!
Vysi zyna, ka maņ dyžan pateik haļava. Jebkaida. Pat syuda bukleti informacejas centrūs jōjem sev :) Tai nu es medeju haļavu ari internetā. Vīna nu īspiejom ir pīsadaleit vysaidūs konkursūs twitterī. Pīmāram, interneta veikals xnet.lv taisa konkursu kurtu caturtdīnu. Tai nu es jau nu oktobra pīzadolu xneta konkursūs. Vysu laiku maņ beja viņ abloms, bet progōjušā reizē maņ pazaveice! Es dabōju sumku. Sumku datoram. Smuka i loba! Dyžan kvalitativa. Kai nikai ražōtōjs ir slavenais Belkin.
Breineigi! Xneta darbinīki maņ sumku atvede uz sātu. Pat navāgō uz Reigu jōt.
Prīca ta prīca, bet haļavai ar rūku atmets naasu. Pīzadaliejju ari Kristapa reikōtajā Nokia N8 izlūzē. Laimeigais beja Mr.Serge. Eva kaids prīceigs!
Bet vāļir ari ūtra, no Sūmejas atvastō Nokia. Tū izlūzej Māris. Šudiņ tvitterī jis īčivynōja:
Katrs, kurš retvītots šo ziņu, piedalās @NokiaLatvia Somijā dāvātā Nokia N8 izlozē. http://twitpic.com/3dp0y6
Tai nu armeja haļavas gribietōju roda baizmeigu trafiku un “засоряют эфир” :) Es tai skaitā. Bet haļava ar tū nazabeidz. Vāļ šudiņ var dabōt beļetus uz ķinu nu Samsunga:
Labrīt! Atgādinam, ka vēl līdz plkst. 12.30 ikvienam mūsu sekotājam, kas retvītos šo ziņu, ir iespēja laimēt 2 ielūgumus uz Cinamon!
Un ari latgalīšu pōsoku disku nu Jureiša:
BOLVA: “Latgalīšu puosoku i puorsoku” disks – retvītoj itū zini i Tu byusi vīns nu loterejis dalinīkim! :) bolvu nūsyuteišu pa postu.
Haļava ruļavoj! I tai kotru dīnu :)
p.s. Atvainoj, Saprge ;)
2010
Failu pārlūks MacOS X
Jau lobu strāčeiti strōdoju uz Mac datora. Breineigs aparats. Kluss. Nadzierdams. Smuks. Aizjem moz vītas uz golda.
Bet MacOS X maņi drusku besej. Atbiļdeigi paziņoju, ka leidz Linux augt i augt. Tymā skaitā maņi dyžan apbādynōja ībyuvietais failu pōrlyuks Finder. Убогость!
Plyks kai bazneicas žurka. Laikam ir viņ drupeiti lobōks par Windows Exlporer, kas ir ōrpus konkurences un vasalō saprōta. Nu i kai ite var strōdōt? Kai dorbōtīs ar failim, mapem?
2010
Atbalsts latgaliešu valodai
Kū ni dīna – jauni breinumi. Šudiņ nu reita nu cīnejamo Neo (Ilmāra Poikāna) dabōju zynōt, ka pazarōdejuši “Noteikumi par 2011.gada tautas skaitīšanas programmu“. Kur beja vysaidi jautri vaicojumi ar ni mozōk jautrom atbiļdem. Bet vīns vaicojums, par kuru jau beja cepīņs, maņ īdyura mugurā.
Sadaļa: 7. Etnokultūras rādītāji; Vaicojums 7.2. Valoda: Kādu valodu Jūs pārsvarā lietojat mājās? Ar 3,14zdeckōkōm atbiļdem:
1. Latviešu
1.1. Vai Jūs protat arī kādu latviešu valodas izloksni?
1.2. Ja atbilde uz 1.1.jautājumu ir “Jā”, norādiet, kādu
1.2.1. Latgales
1.2.2. Kurzemes
1.2.3. Vidzemes
1.2.4. Zemgales
WTF? Kas ir Zemgales izloksne? Kas jū ir dzierdiejs? Es vāļ varu īzadūmōt ventiš ci malēniešu izlūksnes. Bet Zemgales? Kū viņ tī “ČP” naizdūmoj, kap nūrakt un aizmierst par latgalīšu volūdu.
Es asu naapmīrinōts ar sekujušū situaceju. Jureits (tys kurais Viļums) jau aicynoj pazaraksteit peticejā vaļdeibai.
Peticejas teksts:
Latgaliešu valodai ir piešķirts starptautiskais ISO kods (ltg). Kā arī Latvijas Valsts valodas likumā ir noteikts atbalsts latgaliešu valodai – “valsts nodrošina latgaliešu rakstu valodas kā vēsturiska latviešu valodas paveida saglabāšanu, aizsardzību un attīstību”.
20 neatkarības gadu laikā valsts neko nav darījusi latgaliešu valodas labā. Ir pienācis laiks pieprasīt rīcību!
2011.gadā notiks tautas skaitīšana. Ir iespēja spert pirmo soli augstākminētās likuma normas pildīšanas virzienā, proti, saskaitīt latgaliešu valodas lietotājus. Pieprasām pildīt likumu un veikt nepieciešamās izmaiņas tautas skaitīšanas anketā (MK noteikumi Nr. 384 par 2011.gada tautas skaitīšanas programmu), lai tiktu veikta latgaliešu valodas lietotāju uzskaite atbilstoši Valsts valodas likumam!
Es jau pazarakstieju! I tu naguli! A to prodierssim vysu – Latveji, Latgali, volūdu i dvēseli…
p.s. paļdis Jureit! Saiti to aizmiersu. Te byus: pazarakstēt zam peticejis.
2010
Absolventu salidojums LPĢ
Beju sastdiņ aizbraucs uz Ludzu. Školā beja absolventu salidōjums. Drusku tai kai apzalaužu :( Nu munas klases beja tikai 1 cylvāks t.i. es. Nu paralēlklases ari beja vīna pate Iluta. Bet nikō – pazatusieju ar nikod naradzātim cylvākim :) Tai kai naasu reģistriets Latvejas īdzeivōtōju datu bāzē, tod gribieju par cytim kū ni beis uzzynōt. Kai nikai jau 15 godi pagōjuši kūpš školas pabeigšonas.
Kū es uzzynōju:
- Kristīnei ir pīdzymuse meita. Voj jei ir pracāta gon nazynu;
- Jōs brōļa sīva aizbraukuse uz Moskvu;
- Valdis beja invalids ar sirdi, bet ņiuļa sabeidze muguru un ir pīsīts krāslam;
- Andris ir prīkšzeimeigs sova bārna tāvs;
- Murkins dzeivoj centrā – sovā dzeivūklī;
- Aivars K. nūbraucs nu katušku i nivīna napīmiņ;
- Leļs ruļavoj;
- Solvitai ari meita;
- Ļena strōdoj par mōceibspāku augstškolā. Kurā – napīmiņu.
Nu apmāram tai. Vāļ es iežu gordu karpu nu Igaunejas (paļdis Ilutai). Vyspōr sajiutas beja jūceigas. Škola ir porbyuvieta. I nu ōras i nu īkšas. Tei ir piļņeigi cyta vīta. Laikam par tū napazacāļa nikaidu atmiņu i sentimentu. Sveša vīta ar dažom detaļom nu sanōm dīnom (trapis ar margom un flīzes vestibilā).
2010
MagicFIB radūšais direktors daleisīs ar pīredzi reklamys i muzykys menedžmenta nūzarē
Edīte Husare maņ atsyutēja preses relīzi. Varbyut kaidam interesej?
Bīdreiba „Latgolys Studentu centrs” izsuok lekceju i pīredzis stuostu ciklu studentim i cytim interesentim, kura ītvorūs ar sovu pīredzi i zinuošonim daleisīs dažaidu profeseju i jūmu puorstuovi, golvonūkuort, latgalīši i ar Latgolu saisteiti ļauds. Read more >>
2010
Nokia apdāvina Latvijas skolotājus
Šūgod deļ vieliešonom ir pajukušas školōtōju dīnas svineibas. Nav ni tuseņu ni ekskurseju :( Byus Jelgavas kulturas nomā pasōkums. Bet tī dzīdōs “Asni” i laikam īdūs pa pyldspolvai. Dyžan vajag :P
Tai kai seikais maņ ir slyms un es siežu sātā, ņiuļa ir laiceņš pabyut internetā. Te maņ i nūspeidēja! Nokijas pōrstōvji Latvejā sadūmō apdōvynōt 5 školōtōjus ci mōceibspākus:
Vai starp mūsu sekotājiem ir kādi skolotāji vai pasniedzēji? Ja ir,tad pirmie 5,kuri pietieksies, saņems pārsteigumu no Nokia! RT
Nu es i pīzasacieju un dabōju dōvonu! Sōkumā dūmōju, ka dōvonōs byus kaidas telefonu turamōs aukleņas, bet nā — dōvonas ir vierteigōkas. Read more >>
2010
Par ko balsot? Varbūt par Juri?!
Kod studieju LLU, beja myusim tī vīns aktivists ekūs. Jurs Viļums. Tautā Jureits. Aktīvi dorbōjās latgalīšu studentu kusteibā, reikō piertis un beja žurnalists universitātes avīzī “Plēsums”. Pateikams, jauns cylvāks.
Godi īt un es uzzynōju, ka Jureits ir Dagdas nūvoda domes deputats un jemās ar projektim (sīva beja satykuse saītūs), bet niuļa jis ir saeimas deputata kandidats. Tai nu es izdūmōju jam uzdūt pōrs vaicojumus ar e-posta starpnīceibu.
Pīdōvōju myusu “sarunu” ari vysim interesentim: Read more >>
2010
Neo msg
Twitterī nūteik ari nūpītnas lītas. Vakar Neo īlyka ziņōjumu:
Rudens ir pienācis… Laiks atmodai… http://www.mediafire.com/file/pes3hz3aq1d40x5/explosive.tc
Maņ palyka interesanti un es nūvylku failu, kas izarōdē programmas TrueCrypt fails. Aizsorgōts ar paroli. Neo gon deve mōjīņi:
Vienu paroli var uzminēt – lietvārds, ko bieži lietoju, datīvā. Otra parole tiks atklāta pirms vēlēšanām.
Teic nu gudrs :( Dūmōju – nu lai i stōv, cikam uzzynōšu paroli. Ilgi gaideit navajadzē. Nu reita vīns cīnejams kungs izmete:
Starp citu, ja kāds grib palasīt to TC irrelevant teksts no @neo4ata , tad parole ir “sistemai” =) #TC
Tai es tyku failā vydā. A vydā ir lyugšona. Vīnkōrša lyugšona, bet satureiga. Kai saprūtu, beja paradzāta aizlīgtajam “Tautas lūgšana” pasōkumam Reigā (seikōk).
Tod nu es publiceju lyugšonu sovā žurnalā: Read more >>
2010
Anālais sekss 2
LOL! Nazkas LV teiklā nūteik :) Šudiņ nekur.lv popularōkais roksts ir: “Kāpēc vīriešiem patīk anālais sekss”. Tipiski. Bet roksts nav par tū, ka veirim pateik dyrsā bōzt (nu kurāņi taidi dati?), bet gon tys ir reklāmroksts jaunam resursam analaissekss.org.
Saceišu gūdeigi, ka resursā nabeju, ibo par dyrsā bōšanu nazaintereseju. Bet nūtykums nav apgōjs ari maņi. Jaunō resursa veidōtōjs ir pazacentīs un pamūciejs googli. Beja maņ raksteņš par smīkleigu atgadiejumu LTV, kurā ir īkomentiejs arī jaunais censūņs. :)
Anālis
Nu ko var ņemties ! Uzpied uz mona nika un viss anālais būs te. Laba anālā sekskoola
Vot tev i SEO latvīšu gaumē.
2010
Doks. Apple Mac Doks
Pamozam apdzeivoju sovu Mac’u. Pīrast ir dyžan vīgļi. Par tū, ka nu Linux uz Mac porīt ir stypri pateikamōk, kai nu lūgim. Nikaidu “lomku”. Strōdoj i vyss. Laikam par tū, ka Gnome ir jāmuse vysu tū lobōkū nu Mac i izmontoj. Nazynu, kai byutu, ka es byutu KDE fans.
Sazaskōrūs ar problemu, ka doks aizaug ar ikonom brīsmeigā ōtrumā, kas maņ na dyžan pateik. Drusku pamūcieju Googli un sataisieju, kap lobōk byutu.
Pa sūļim:
- Sōkumā beja vasala kopona ar ofisa ikonom:
- Sōku reikōtīs. Sataisieju katalogu Stacks sovā sātas katalogā. Nūsaukumam nav nikaidas nūzeimes.
- Itymā katalogā vāļ vīnu katalogu Ofiss, kuramā sasvīžu maņ vajadzeigūs ofisa aplikāceju eisynōjumikonas (shortcut, alias)
- Vyss! Ņiuļa izvylku katalogu Ofiss uz doka un maņ pazarōdēja steks ar ofisa ikonom. Viņ jis na vysai labi izaver :(
- Lai vyss byutu “pa smukū” var pajimt taidas kai kasteites ikonu stekim. Kasteites ir tematiski nūformietas. Sataisiejs vīns japōņs. Lopas angļu verseja vaira naeksistej, bet japōniski vāļ ir pīejama. Te es ari pajiemu kasteites. Pajem ari tu. Tagad ikonu steks ir stypri lobōkā paskotā:
Lai veicās! Pats mūciešu maku tōļōk…
2010
Fucking rudens
Vys vaira i vaira var just rudiņi. Pec pōrs dīnom jau sōksīs jaunais mōceibu gods :( Vosora proskrāja kai vīns strāčeits. Jau divejis nedeļas strōdoju. Ja tū var nūsaukt par dorbu. Škola vāļ nav kōrteibā — vysur bardaks, ceļtnīki raun, putekļi, krōsas smoka. Vysi datori un goldi munā kabinetā stōv manis īpakōti pļāvī. Kod vareišu izpakōt un gatavōt jaunajam godam — nazynu. Naīšu jau īspringt. Nav i navajag.
Progōjušā nedeļī siedieju kursūs. Tai i ir — siedieju. Švakōkī kursi, kaidūs asu bejs. Lekceja 4 dīnu garumā. Tēmai ar mani un klōtasušajim školotojim nikaida sakara. Iznīkōtas vysmoz 720 cylvākstundes. Vāļ vīna nadyžan gudra bōba, kurai sakōps golvā vysu laiku apsauce klōtasūšūs, ja gribēja izasaceit, voi vīnkōrši pa klusū pazarunōt ar kolēģim. Kurva, bļa!
Niuļa, gaidūt uz sovu kabinetu, taisu papeirus stipendejai uz 3.kvalitātes pakōpi. Ls 400 ari nauda. Vāļ asu nūspiers ideju nu IKEA kataloga un seikajam taisu krāslu. Nu ūša. Vīgls i smuks. Cerams, ka byus ari ārts un praktisks.
Nu tai. Niuļa “ēterā” byušu cieškōk. Maņ ir daudzi jaunumu, par kū pastōstēt, bet vajag nūbrīst.
2010
Krīze beigusies!
Tai ir dāmas un kungi. Gribieju pazavērt, cik moksoj tumbeņas un izarōdēja, ka pierktōkōs moksoj 25’999.00 Ls voj 21’486.78 bez PVN. Tai, ka dzeive īt kolnā :)
2010
Vasara
Sōkumā par īprīkšejā īrokstā īlyktū meikļi. Atrysinōjums ir dyžan sprosts. Īvītōtais “teksts” eisteneibā ir sankrīvu raksteibas skaitļi. Un skaitlis ҂АЦОЗ ir muns dzimšonas gods 1977. IMHO prikoļnō tēma tetoviejumim. Krīvim.
Jau 3 nedeļas dzeivoju derauņī. Laime. Laiceņš perfekts. Koč i pyrmō nedeļa beja dīzgon troka. Vysu laiku leja leits un nabeja saules. Vyspōr. Vysu laiku vīnaiži palāks i nikaidas nūjāgas, cik niuļa laika i kurā dabasu pusī ir saule. Ņiuļa rikteiga vosora. +30°C ir labi, bet pi +32°C gon nazagrib nikō, viņ guļāt ānā. Tai slopstutīs nu korstuma, asu izlasiejs vīnu grōmotu. Buržuju volūdā. Sparkes kundzes sarakstietū “The Genius of Design” (256 lpp.). Brīsmeigi interesanti. Maņ, kai СССР īdzeivōtōjam nebeja nikaidas saprašonas par dizaina atteisteibu “за бугром”. Pi mysu to nikō nabeja — vīns vīneigs ширпотреб’s un breinumi Dzintarā. Grōmotu, kai jau vysi pādejā laikā, pajiemu bookdepository.co.uk grōmotneicā.
Vyspōr dzeivōt derauņī var ar lelu komfortu. Pa TV var bļisineitīs uz National Geographic, ka nav žāļ Ls 3,50 mienesī. Kai ari šļiukōt pa internetu. Sōkumā gon beja tehniskas problemas. Jau ūtrū godu maņ ir Okartes interneta puļķeits. Zona viņ švaka. Loksta nu EDGE 5 streipeņom un 3G 1 streipi un atpakaļ :( Dagō pīlikt USB vodu un izlaist puļķeiti breivdobā :) Pec “operacejas” loksta nu 3G 1 streipes uz divejom. Ōtrums lobs! Var youtubē vidzikus tiemēt.
Lelais paļdis ari @OKarte_lv twittera konta apkalpei. Strōdoj — capuri nūst! Paleidzēja maņ ar puļķeiša darbynōšonu Linux’ā. Atsyutēja vajadzeigū softu. Un nu es varu kleist pa internetu ari nu Linux’a.
Pōrs īstatiejumu (deļ sevi, kap navaicōt pa lītōtōja pamōceibom):
Taidi ir muni prōtojumi itymā korstajā dīnā. Ānā ir +33°C un svīdri leist aumaļom. Zīmā byus par kū skumt.
2010
Kas tas ir?
Derauņī atrodu jautru grōmotu. Tī vyss kas interesants. Vysaidas meiklis. Interesnai!
Ņiuļa vaicojums vysim, kas losa: “Kas tas ir?”
