Tagad asu lels veirs. Maņ pasarōdē moks. Naudas moks. Leidz itam laikam maņ nikod nabeja sova moka. Nauda svaidās pa kabatim. Tam ir ari sovi plusi. Pajam štanus – ops, a tī Ls10 pakaļejā kabatā! Vysai dīnai prīks :)  Bet ir ari švakas lītas. Naudas karte nu nosōšonas pa kabatim 3 godu garumā acaleimei, appleist un izaver brīsmeigi.

Tagad byušu pīaudzs. Likšu naudu mokā. Par tū aplaimōju sevi ar dōvonu vōrda dīnā i pasyutieju moku interneta veikalā mojo-jojo. Smuks! Ar uzrokstu, kai kinā Pulp Fiction. Kas redzē, tī zyna par kuru epizodi īt runa.

Bet ar syutiešonu sagō vasals stōsts.

Zvona kurjers. “Tu, kur? Es tev atvežu paceņu!” Soku, ka sātā. “Jōj tik da maņi!” Īdeve maņ paku. Es jū atpliešu. A tī pavysam nazkaida cyta prece :( Aizrakstieju e-postu, ka nūtikuse kļiuda. Veikalnīki beja atsauceigi. Palyudze maņ atsyuteit jīm napareizōs montas (par syuteižonu porskaitēja man $$$), a poši atsyutē maņ pareizū moku un dōvonā uzleimes un syukojamū bombonku, nu kuras maņ nazkai baiss :) Jimā dzeivoj skorpions. It kai bez indes.

Taida, vot, epopeja…

p.s. Ja, kas veikalā tagad izpordūšana. Saite.

Tags: mojo-jojo, tai dzeivojam