Kriminālprocess
Šudiņ nu reita beju Valsts Policijā. Jelgavas pylsātas porvaldī. Pīsacieju rotu nūzagšanas faktu. Man patyka policejī :) Tī ir laipni un atsauceigi policisti. Mani pat nikur napasyutēja, a īrūsynō kriminālprocesu, kurā es asu cītušais. Ar mani strōdō divejas policistes. Vīna pīredziejuse un ūtra beja pyrmū reizi dežurā. Sarakstē vasalu tonnu vysaidu papeiru.
Kod vyss beidzēs, braucem apzavērt nūzīguma vītu. Ar bobiku (УАЗ-469)! Es naasu braucs taidā tehnikā nu padūmju laikim. Paprasieju, voi par benzinu nasaīt mienesī izdūt vaira naudas, kai aparats pats moksoj. Uz kū šopers skumeigi pascē, ka pi jūs “taupeibas režims”. Man gon pošam rōdīs, ka taupeibas režims policejā turpynojās nu 1991.goda :( Tai var sprīst radzūt, kaidūs apstōkļūs ļauds strōdoj.
Nu tagad atlīk viņ gaideit ziņas…
