Jer školas vadeibā bōba, kura nūstōda jaunūs tehnoloģeju izmontōšanu par pošmierķi. Vajag/navajag -- živai davai izmontoj IT! Maņ informatikā un mōjtureibā ta pofigu. Mōceibu materialu, grōmotu nav. A tōs, kas ir, ci naatbylst planim i standartim, ci ir galeigi atpalykušs nu dzeives. Par tū varu improvizeit i vaicōt jaunus ceļus.
Mōjtureibā pi rasiešonas sadaļas apmōceibas bārnim īt dyžan švaki. Tys, kas jōmōca naatbylst bārnu atteisteibas pakōpei (maņ rōdīs, ka psihe nauztver taidas abstrakcejas itymā vacumā). Īvyuceit braukt ar mopedu var i lōci. Te tys cauri naīt. Zeimuļi rūkā tureit namōk, cyrkuļs ir nazkas nasaprūtams a izmāri mm ir nazkas nu augstōkōs matematikas. Nu i saskaiteišanas/atjimšanas operacejas 100 rūbežos bez kalkulatora izdareit var viņ pōrs "vunerkindi" nu teicamnīku gola.
Tai es najauši atklōju, ka dyžan lobas paleigs telpas izpratnei ir datora programmas. Un nikaidus 2D. Vajag 3D! Tai nu modelej man vysaidus modeleišus ar Googe SketchUp. Programmas uzbyuve un darbeiba jimā ir leidz napīklōjeibai sprosta. Jebkurais 5-klasnīks atkūž modeleišanu 3 minutu laikā un pec 10 minutom jau var sataiseit modeļus.
Informatikā tagad izmieģinoju jaunas patstōveigūs dorbu izpiļdiešonas metodes. Ļaunu dareit dorbu datorā a ni uz lopom. Tai var ītaupeit koponu papeira i bārni mozōk vaid. Jūs ar rūku raksteišonas īmaņas ir tai atrofietas, ka raksteišona sagōdoj cīšanas :) Tod lai atrofejās da gola! Rokstam ar datoru.
Kai Google atkareigais, taisu porbaudes dorbus Google Docs. Tī ir īspieja ražōt ni viņ teksta, prezentaceju voj aprieķinu tabulu materialus, bet ari FORMAS. Formas ruļavoj! Varu uzdūt vaicojumus, kur školāns atzeimej 1 pareizū atbildi, ci vairōkas. Ir izviele nu saroksta. Ir īspieja raksteit eisas un garas atbildes uz vaicojumim.
Kas labi -- vyss ir tik sprosta uztaisams, ka tū var izdareit pat školōtōjs :) Un dorba rezultatus var sajimt, kai tabulu, ci pōrskotu ar šmukim grafikim.
Pošu dorbu var pazavērt te: 10kl_Datu_bāzes
Tai vot īvīšam vysaidas jaunas tehnoloģejas. Un tys, kas te apraksteits maņ reāli atvīgloj gon mōceišanu, gon dorbu lobōšanau. Pats ar papacīteibu gaidu, ka porīsim uz e-klasi un azmierssim йоба...ūs žurnalus, kur maņ vyss ir sastreipōts i nasmuks.
p.s. Plānam B jōbyun vysod! Ka nabyus elektreibas ci interneta -- жо...а! Valkam ōrā vacūs lobūs "analogūs" reikus :)