Galeigi aizgō cīt muns vacais, lobais foceits. Tūmār pec remontim tehnika vaira nagrib ilgi strōdōt :( Fucking globalizaceja un patierietōju sabīdreiba.
Kai vysod, pyrms pierkuma, izroku internetu lobōkū modeļu un cenu vaicojumūs. Palyku pi Sony DSC-W125.
Maņ pateik soņiki. Jī ir mežūneigi ōtri un biļdis ari ir cīšamas. Kur nu vāļ pīrodums. Vacais jau maņi vysu laiku koļej uz vysaidim Canon monstrim. A es nagribu. Kaida x... maņ staipeit leidza 1kg smogu foceiti? Maņ gona ar "мыльницу". Pa lātū.
Atrodu xnet'ā akceju. Vyss prīks ar sūmeņu un 2GB (ōtrū) karti viņ par 100-1 latu. Plus pīgōde. Aizsyutieju SMS, ka taidu gribu 6diņ. Pyrmūdiņ maņ nu reita pazvaņā nu nu veikala, sarunōm vysus datus. Pec 10' jau sajiemu rieķinu, kuru parreizi apmoksōju.
Gatavōjūs, ka sajimšu preci 2diņ ci 3diņ. Par tū ka porskaitiejums Krājbanka -> Hansabanka. Bet tovu breinumu, ap 18.00 jau zvons nu veikala, ka ap 19.00 maņ foceiti īvess sātā.
Tī strōdoj vīna sīvīte nu Jelgavas, kas vysod atvad jelgavnīkim preces da kryļča. Laikam tys ir īmasls, ja cenas atšķireiba nav lela, pierkt preces xnetā.
Tai, vot, vakar jau varieju vokorā fočāt ar jaunū soņiku. Taids nikō. Korpuss viņ dyžan "plastmaseigs". Bet par Ls 99,- jau titanu ci molibdenu nadabōsi :) Bet "palaistiets" ir -- tod jau strōdōs ilgi!
Paigaidam itys ir muns ūtrais ōtrōkais pierkums internetā. Pyrmā vītā ir TV īgōde pyrms 5 godim nu 1a.lv, kod pazvanieju nu reita, ka gribu televizori un ap 3 dīnā jau varieju jū lītōt :)