Šudiņ sōku jaunu sezonu Cyxob'a žurnalā. Izdūmōju portaiseit izskotu un atjaunōt wordpress dzinieji.
Ar dzinieji sagō zīpis. Vakar cikam severī lōdieju failus jaunajam 2.8.2, sōkās mistiska erroru epidemeja un lopa tyka piļneibā nūkauta :) Nūzašpļōvu un aizgōju guleit. Nu reita uzsytu e-postu Atomam, kurais pōrs minutu laikā atlyka lopu nu pādejō backup'a.
A vyspōr upgrade problema acarysynō pati nu sevi. Pyrms strāčeiša twitterī pazarōdē ziņa:
#amberolv jauns pakalpojums hostinga klientiem - wordpress atjaunošana uz jaunāko versiju. Pieteikties uz e-pastu.
Es sazazynōju ar Atomu un jau pec 10 minutem maņ sataisē lītōtōji jaunajai wordpress atjaunōšonas sistemai un es atjaunōju dzinieji leidz jaunajai 2.8.3 versejai. Šiks! I nikaidu vaira syuda automatic upgrade spraudņu!
Pošu bloga izskotu asu atjaunynōjs naejut tōļi nu īprīkšejō dizaina. Pādejā laikā asu pasysts uz Typographic layout un minimalismu. Vyss bolstās uz fontim un praktiski nikaidas grafikas nav.
Krōsas ari leidzeigas vacajai versejai. It kai vysus "Magazine Basic" uzrokstus portulkōju latgaliski. Mož kur kas i paspruka garom, bet tū salabōšu "по ходу дела".
Saturiski, dūmoju, ka vyss byus pa vacam. Rakstiešu par tū, kas tyvs, smuks, lobs, švaks ci besej :) Tai ka dzeive īt uz prīšku...