Nazkai tai ir īzagōjīs, ka munas datoru OS piešķi apaug ar fontu koponom. Pec lūgu OS uzstōdiešonas es vysod uz datora uzkrōmeju Firefox, Total Commander, Notepad ++, kū na viņ nu grafikas un fontus. Daudzi fontu turāt uz mašinas nav labi. Bremzej lūgus. Bet maņ tai pat vajag :) Saprūtams, favoriti mainās ik pa laikam. Un tai tam jōbyun. Fonti nu kurim maņ matās nalabi principā nazamaina. +/- vysu laiku tī poši.
Kai daīt laiks taiseit kōrtejūs diplomus (apsveikumus, atzineibas rokstus, headerus utt.) bīži viņ īīmu resursā DaFont.com un atlosu lobōkūs kandidatus. Ci pazaverūs kolekcejas pi Smashing Magazine.
Pādejā laikā deļ rakstiešonas asu DejaVu un Droid fontu pīkritiejs. Open Source ruļavoj!
Labi, gona lirikas :) Sōkšu ar fontim, kurus napanasu:
- Nimbus Roman No9 L. Pat nazynu ar kū jis atgryuž. Preteigs i vyss. Varbyut par tū, ka atstarpes starp burtim ir brīsmeigas? Kotrā ziņā uz papeira tekstu itymā fontā lobōk naredzēt.
- Comic Sans ir radiejs Vincent Connare un laids pasauļī Micro$ofts. Vīnam ir jōīdzan nogla golvā a ūtrais jōaizlīdz ar lykumu. A ļauds pavalkās! Drukoj diplomus, afišas, pīspraužamūs papeireišus... Koč iz mežu bēdz.
- UUUUUn topa antivarūņs ir... Revue! Nu par itū maņ pat vōrdu nav. Fubļanah!!!
Nu un pi pateikamō. Pi fontim, kas glōbs pasauļi:
- Kai pyrmais ir Consolas. Monoplotuma fonts izejas kodam. Mega pluss ir tymā, ka acašķir 0 nu O (nuļļa nu lelō burta "O"). Burti labi losās nu ekrana. Bolds nav lobs, jōlītoj viņ Regular. Izlaiduse ļaunuma korporaceja nazkod naseņ. Fontu atklōju, kod školā pi Office 2003 pīskryuvieju Office 2007 atbolstu, kur leidza gōja ari kopona ar jaunim fontim.
- Trebuchet MS fonts ari ir nu tandema Connare&Micro$oft. IMHO naatsver tū ļaunumu, kū nūdora Revue ;) Bet tai jau dyžan lobs uzrokstim.
- Yanone Kaffeesatz es atrodu pavysam naseņ, bet jau asu paspiejs jū pīlītōt vairōkim dorbim. Moderni izaver. Tagad, vyspōr, ir trends uz leidzeiga paskota fontim. Pateikami, ka fontam ir Creative Commons licenze. Izstrōdōjuši vōcīši.
- DejaVu eisteneibā ir vasala fontu paka, navys vīns fonts. Open Source projekts. Plaši izmontoj OSS projektūs. Nu tymā pat Open SuSE distributivā. Principā ar itīm pōrs fontim var aizstōt vysus ofisa fontus :) Fonti ir dyžan leidzeigi lobōkajim fontu paraugim, nu kō nūsaukumā DejaVu. Autors Štěpán Roh.
- Un vysa beigōs fonts Nr 1. Fonts, kuru jōroksta FONTS! Revoluceja tipografikā. Helvetica. Helvetica ir Helvetica. Ja nazyni, kaidu fontu izmontōt - jam Helvetica un nikod nabyusi zaudietōjūs. Fonts, kas naapnīk un ir jauns un svaigs jau 50 godus. Radeits Šveicī 1957.godā. Autori Max Miedinger un Eduard Hoffmann nu Haas'sche Schriftgiesserei. Par fontu ir uzjimta pat dokumentalō filma, kū ar lelu interesi nūzavieru.
Nu, ja. Taidas ir munas dūmas par fontim. Tagad. Mož pec godim byus pavysam sovaidōk un es smīšūs, kaids duraks es ir bejs sovūs 30+ :)
Profesionalī dizaineri, prūtams, pierc un lītoj Linotype megapakas, bet tys ir pavysam cyts leimeņs.