Vot slymōju, slymōju un izdūmōju sovam EeePC (latgaliski “Mopss” via @saprge) atjaunynōt Linux’u. Ņiuļa iz jō byus Ubuntu 9.10 Karmic Koala. Cikam kas, distributivs ir beta 4 stadejā. A kas myusim — jaunim, pracātim :) Nikaidu Backupu nataisieju. Vyspōzynoms fakts:

Eisti veiri bekapus nataisa! :)

Tai es bez Backupa, ilgi nadūmojut, terminālī īsytu:

update-manager -d

un sōku gaideit breinumu. Pasōkums vylkās ap 2 stundem. Paspieju aizīt pec seikō uz bārnudōrzu i pameizt. Vylka ap 700MB vysa kō un tod ļieneišom lyka pa plauktim.
Pec restarta jau dabōju +/- strōdojušu sistemu.

Kas īkryta acīs:

• “Atkryta” TouchPad’s :( kursors staigoj, bet pīskōrīņs nastrōdoj :( Daīt mīgt pūgas, kas nav Gut!
• Jau asūt uzlykts Grub2. Es nasajutu nikaidas starpeibas. A tai bļōve, ka 10.04 īlōde iļgs 10″. 10.04 — var byut. A tagad nikaidu izmaiņu sasajutu.
• Pazarōdiejs serviss Ubuntu One. Īdeve maņ na haļavu 2GB diska vītas. Vīta paradzāta datu sinhroniziešonai i “šarai”. Leidzeigs DropBox‘am. Haļava — labi :)
• GNOME jau ir svaigais 2.28.0. Palītōšu — sapraššu, kas jauns. Parreizi īkryta acīs, ka ir jauns Bluetooth porvaļdnīks. Peli atpazyna un jei beja lītojama bez šamaņu dejom.

Nu vot, taidi pyrmī īspaidi. Labi, ka nikas nanūbruka. Backupu varāja nataiseit :) Dyžan besej tačpads, bet gon jau ar kaidu atjanynōjumu vyss pats nu seva sōks strōdōt ;)
Nazabeist eksperimentu! Byus labi! Varbyut…

Tags: Asus EeePC, dropbox, GNOME, haļava, Karmic Koala, mopss, Ubuntu