Šudiņ maņ palīk 32 godi. Vāļ gods un byušu Jezus vacumā. Uz prīcom, ka slimeiba ir golā un slimeibas lopa nūslāgta, sovai ģimenes ōrstei aiznešu modnū soldonumu — “Biezpiena pikas” nu gruzinu firmas “Staburadze”.
Es te pamūcieju jaunū un perspektivū meklietōju Wolframalpha. Maņ pateik ideja! Ik pa laikam pakaiteju ar wolframu.

Vot, kū uzzynōju par sovu dzimšonas dīnu:

• Saule. Nu reita lēce 07:16, vokorā nūrītēja 19:17. Leidz ar tū dīnas garums beja 12h1min;
• Mieness beja jauns:
  
• Pec vysa saīt, ka šudiņ maņ ir 11’688 dīnas nūdzeivōtas;
• Pasauļī nikas brīsmeigs itymā dīnā nav nūtics. Varbyut par tū, ka tei beja svātdīne. Pyrms pōrs dīnom (21.09.1977.) beja pījimts “Pakts par atomīrūču naizplatiešonu”, kū parakstēja 15 vaļstis, īskaitūt ASV un myusu Dzimteni — PSRS. Tai, ka pasauļs prīcōjās, ka ir atlykts 3. pasauļa kara sōkums un nikas extrems padūmā vāļ nabeja.
• Pec indīšu kalendara saīt, ka asu dzims opolā godā — precizi 1900 :)

Nu vot, taida dīneņa.

Labi, jōīt taiseit goldam ķiļka un gaļa. Paradzāts drusku nūsvinēt :)

Tags: dzeive, dzimšonas dīna