Konkursi

Leidz itam laikam nikod nabeju nikō vinniejs konkursūs. Bet itō goda maijā maņ jau pazaveica. Pi Onkuļa blogā beja konkurss, kur varāja dabōt "ōdeņi" iPodam. Nūsaciejumi beja dyžan sprosti -- apsaver, kua "ōda" vysa lobok pateik, i aizpyldi anketu. Tai es tyku pi "ōdeņas" sovam iPod Shuffle. Onkuļs par konkursu aizmiersa un "ōdu" tai ari naatsyutēja :( Pōrs raižu atgōdynōju, bet tod nūzašpļōvu i lykūs mīrā.
Bet itū nedeļi maņ rikteigi pasaveice! Okarte twitterī sareikō konkursu, kur beja biļde:

un pats konkursa nūsaciejums:

Mazais, asais konkursiņš - kas tā par bumbu? http://twitpic.com/pcedk Pirmajai pareizajai atbildei 3 Ls O!Kartes atjaunošanas karte!

Es izdūmōju, ka tei ir bumba nu muzykas klipa. Kas apzastyprinō, kod vakar pa TV redzieju Okartes reklamu ar dzīsmi un bumbu :)
Tai es beidzūt laimieju sovu pyrmū konkursu pa eistam. Atgōja DM:

3Ls - atjaunošanas karte tizera uzvaretajam!: numurs:311670002; kods: 293461801128 Apsveicam! Atsūti, lūdzu, ziņu, ka viss kārtībā!

Kodu varu parōdēt par tū, ka nauda jau ir munā Okartī ;) Uŗa!