WTF?

Biļde nu Grant Neufeld
Runa ir par TV3. I žurnalistu naprofesionalitati. Tys, ka žurnalisti putroj faktus i vysaiž jū sagrūza laikam ir norma :( Tai vacō goda pādejā vokorā pa TV3 gō nazkaids raidejums. Ni to ziņas, ni to nazkaids goda nūtykumu tops. Runa jō par nasanym nūtykumim. Par tū tai dyžan īkryta prōtā. Nūtykumi svaigi i vysim zynomi.
Citiešu pec atmiņas. Nav nikaidas gribiešonas vaicōt īrokstu (nazynu, ci taids vyspōr ir). Pyrmais breinums:

... tika nozagti n tūkstoši latu no Bērnu slimnīcai saziedotās naudas ...

3,14zdec! Nu mieness nūkrytuši. Vysur tyka uzsvārts, ka nauda beja slimineicas a ni nu zīdōjumim! Bet kurais ta pīmiņ tik vacus nūtykumus. Stōsteisim tai, kap byutu īspaideigōk i sensacionalōk!
Ūtrais:

... nakstklubā dzīvi sadega 150 cilvēki ...

Jā... nikō nasciesi. Nabadzeņi. Vysi sadaga! Viņ pec nūtykuma sacēja, ka lelōkō daņa ni sadaga a sazaindēja ar dyumim. Daļa tyka samīgta deļ lelōs gryusteišanōs pi duravom.
Lātu sensaceju medinīki. Deļ taidim gadejumim, es vyspōr nazaveru ziņas ni pa LNT, ni TV3. Viņ Panorāma +/- turās. Koč i tī ari gona breinumu. Pīmāram, pec medeibom dorba laikā ļauds dūmō, ka runa īt par Jelgavu. Jelgava un Jelgavas novads tei ir dyžan lela starpeiba. A te vyss vīnā maisā: nūvods, Jelgava, intervejas Jelgavas centrā a ni rajonā u.t.t.
p.s. A, jā virszemes TV komplektus var pasyuteit car maņi ;)