Viņ ni sovu a UK. Latvejā vyss dyžan dōrgs :( Jōpiec Anglejā. Nazkur internetā izlasieju, ka Amazon‘s ņiuļa syuta uz Latveji na viņ grōmotas, diskus un cytus seikumus, bet ari cytas preces.
Dūmōts dareits! Sazajieju testa syutejumam. Uz dorbu īmamō jaka galeigi nūnosōta — syuteišu jaku. Tai ari izdarieju. Kai reize beja 60% atlaides CAT drābom. Jī ražoj na viņ traktorus/smogū tehniku, bet ari dorba/atpyutas drābis. Tāvam beja bociki nu humpalom, kas beja nanunosojami. Lobōkas reklamas navar byut! Tai es atrodu breineigu jaku: Caterpillar Mens Classic Hoodie Sweatshirt.

Myusu naudā drābeite moksoj Ls14,47 (£18.39). Plus par pīgōdi Ls 5,15 (£6,55), kas ir smīkla nauda. Pi myusim par pīgōdi jōmoksoj vysmoz 5 lati (Reiga – Jelgava) a te nu Vōcejas jōvad. Jā, nu Vōcejas. Tī ir loģistikas centrs, ka pareizi saprotu. Syuta ar DHL. Sajimšona posta nūdaļā.
Ūtrais pierkums ari bija izmieģinōjuma. Jaka palīk jaka — nikō tī taida. Bet štani! Štani jōmierej, kū navar izdareit. Tod vāļ 100 un vīna māru sistema. Labi, ka es asu pilneigi standarta cylvāks. Maņ īt standarta izmāru drābis. Asu videjais statistikais cylvāks :)
Riskieju un tyku pi Nike Mens Premium Utility Pant smukā zaļā krōsā.

Štani ir rikteigi lobi! Lāti (£19.59). Var kusteit bez vysaidu īrūbežōjumu!
Taids, vot, stōsts. Kod pi myusim byus taidas cenas? Kod es vareišu sildeit myusu ekonomiku? Ņiuļa muni lati aizīt pyustušīm kapitalistim. Gaidiešu…
p.s. Redz, kai maņ angļu mārceņas devalvaceja gōja par lobu. Vyss lātōks palyka.
p.p.s. Vōcu Amazon‘ā ari daudzi preču. Drusku sovaidōkas. Atlaides tymā strāčī beja mozōkas. Bet ari lobs variants, viņ moments pareizais jōnugaida.

Tags: ekonomika