Tipogrāfika
Losu grōmotu Smashing Book. Beja drusku aizdūmas, ka daīs vysu laiku lītōt vōrdneicu, bet nav tik troki :) Nav nikaida mōkslas literatura, kur es 100% nikō navarātu salaseit. A tehniskō literatura īt labi.
Dyžan interesanta maņ pošam izarōdē nūdaļa par tipografiku. Tik daudzi jauna! Taidas pošsaprūtamas lītas, bet agrōk par tū nabeju aizadūmōjs. Gon jau vāļ kod na viņ par jōm uzraksteišu.
Ņiuļa par ligaturom. Kas ir ligatura? Nu wikipedejas:
Rakstos un tipogrāfijā par ligatūrām (no latīņu ligarī – “apvienots”) sauc divu vai vairāku burtu apvienojumu vienā simbolā. Ligatūras parasti apvieno divus vienu otram sekojošus burtus ar vienojošu komponentu. Ligatūras ir daļa no lielākas glifu apakšklases, kuru sauc par “kontekstuālajām formām”; tie ir gadījumi, kad burta specifiskā forma ir atkarīga no blakus esošajiem burtiem vai rindas beigām.
Paraugs:
Daniel Ullrich, Garamond type ft-ligature, olūts
Dyžan loba fiška. Īvārōju, ka grōmotā jī izmontoj ligaturas. Tod lasieju vysaidus myusu izdavumus (Klubs, u.c.) un īvārōju, ka ligaturas naizmontoj. Bet tys tokš ir nasmuki! Burti “f” un “i” ir tyvu, bet ar moooozu, nateiru atstarpi :( I vysur tai.
Labi, lelas jāgas latvīšu volūdā nu ligaturom nav. 99% gadejumu ir svešvōrdūs. Kai zynoms, nav latvīšu vōrdu ar skaņu “F”. Bet burtu savīnōjums “st” gon ir izplateits. Itei laigatura gon ir sastūpama ratā fontā. Pōrsvorā ir viņ ligaturas ar “f” vydā. Tūmār krutajūs fontūs kai DejaVu, ir ari “st” ligatura.
Gribātu raksteit izmontōjūt ligaturas, bet teksta redaktori nanudrūšina automatisku burtu salykumu aizvītōšanu ar ligaturom. Vajag pošam taiseit vōrdneicu :( Pats sev nūliemu, ka likšu ligaturas ar rūkom viņ viersrokstūs, diplomūs u.c. dorbūs, kur sazagribēs.
Zamōk paraugs ar pōrs vōrdim:
IMHO smukōk ar ligaturom. Un, jā, nazkod dreiži uzrakstiešu par vysu grōmotu. Vāļ naasu vysu izlasiejs.
