ZPD nedēļa

ZPD nedeļa niuļa byus golā. Vysu nedeļi kabinetu gōze riņčī. Maņ tys, maņ itys! Kai jau kotru godu. Bet na jau par tū gribu pazadaleit ar pasauļi.
Itymā godā gribieju testeit vysjaunōkōs tehnoloģejas. Nikaidu vaira diskešu/CD/USB Flešku. Nikō arhaiska! Viņ teikls! I zynat? Aizgōja tei dzela.
Par vysu pec kōrtas. Saaicynōju sovus škoļnīkus, kurim beju dorba vadietōjs, Google Wave. Uļtimats! Vyss viļņūs :) Sōkam ar dorba strukturas izstrōdi. Viļņam dalyku MindMap gadget'u un salykam vysu pa plaukteņim.

Un tod jau sōkās dorbs pi poša ZPD. Sarunōm sprosta. Sōkumā viņ teksts -- nikaidas nōformiešonas. Tū uz beigom. Vysu darām Google Docs servisā. Dyžan parūceigi IMHO.

Vīns myusim beja autors, ūtrais lītōtōjs ar lobōšonas tīseibom. Apsprīdes nūtyka "viļņūs", rakstiešona un lobōšona "dokūs" :) Gōja kai pa dīgu! Saprūtams, ka beja rezerves kopijas fleškōs, koč i "eisti veiri bekapus nataisa!" :) Dužan labi, ka "viļņī" var īsvīst ari vysaidus failus (word dokumenti, prezentacejas, biļdis un laikam vāļ vysu kū). Nu i, saprūtams, beja apsprīdes runojut sovā storpā bez tehnikas īzajaukšanōs.
Prīca i par tū, ka sagōja lobs praktiskais empiriskais pietejums. Uz vīnas nu školas dorba stacejom uzlykam web serveri un tod pacāļam Moodle e-apmōceibas CMS. Pabaksteits tyka vyss: lītōtōji, kursi, testi. Rezultatus dorbā, i gotovs! Ņiuļa jōzagatavej "uz rajonu". Byus lelōka skate ar cytom bejušō rajona školom.
Lobs dorbs, kas padareits. I jaunōkōs tehnoloģejas ir paraudzeitas. Koč i "dokus" lītoju ikdīnā, "viļņōšona" beja kas jauns. Fantastisks reiks kūpejam dorbam, ja nav īspieju acarast fiziski kūpā. Ideals projektu realizacejai starp vaļstim. Vāļ viņ jōsajiudz ar Google Calendar un coworkings var īt pynlōs burōs.