1. Kod mani "īsvietēja" par pioneru 1987.goda 22.apreļī, školōtōja Kapilinska sacēja, ka mes itū dīnu pīmineisim vysu myužu. Nu da! Par pioneru var palikt tikai 1× myužā :)
   Pats trokōkais, ka es tū dīnu pīmiņu. Kas nūtyka, kaidu filmu pec tam kinoteātrī rodē (Par bārnim kuri kara laika dzeivō olōs un pretōjās fašistim. Par tū kai fašists sajēme dzimšonas dīnā "dōvonu" nu partizanim, pascēja: Ich liebe Geschenke! - pavylka aiz lentas un sasprōga gobolūs :) Zālē beja histereja aiz smīklim). Propaganda.
   Lobs pasōkums! Pec godim tam itei poša školōtōja cytim bārnim lyka īt uz ticeibas mōceibu un skaiteit kolektivas lyugšanas statpbreižūs :D
2. Pīdzymu kai kreiļs. Bet PSRS kreiļu / seksa / invalidu / AIDS (utt) nabeja. Tai nu pyrms īšanas školā bārnim lyka raksteit ar lobū rūku i živai īkaļt latvīšu volūdu. Zeimeju, raseju, rokstu tehniskū rokstu ar kreisū rūku. Tai pat vysu jaunū, kū pajemu rūkōs, pīleip taišņi pi kreisōs. Darbeibas ar jaunom īreicem - kuļdinīkim, gadžetim - vyss ar kreisū. A vysu, kū īkola agrōk - ar lobū :)
   p.s. Interesants nūvārōjums. Ja školā, klasē mes bejam viņ 3 (~15%) kreiļi, tod universitātī jau ap 30%.
3. Nikod nazaskotūs latgalīšu megablokbasteru "Cylvāka bārns". Nūzavieru vīnu reizi kinoteātrī. I vyss. Navaru vaira tū filmu redzeit. Natur nervi.
   Ja tai padūmoj, filmas darbeiba nūteik XXgs. 20.godūs. HZ nu kurāņi, bet parreizi izlein dūmas, kas tōļōk nūtiks ar filmas varūņim? Boņuku 100% īsauks ci krīvu, ci fašistu armejā. Cytim "speid" izsyutiejums uz Sibireji. Eipašumu nacionalizaceja, kolektivizaceja un vyss tys lobais, kū pordzeivō tauta XXgs. Smīkleigas pensejas un nūmieršona nivīnam navajadzeigā apvīnōtō nūvoda nūmelē. Fak! Par tū i nazaveru. Varbyut Streiča kungs varātu uzzeimeit saulainōku stōstu ar hepiendu?
4. Asu imūns pret jebkaida veida propagandu, kōru dzīdōšonam, instrumentu spieļōšonam. Vyss nu školas godim. Bārnim nalikšu ni dzīdōt, ni spieļōt. Viņ, ja pīlauzs poši.
5. Maņ nav autovadietōja aplīceibas. Nikod nav bejs. Ar mašiņi braukt namōku. Nicik. Bezcereigs variants. Ari munam dzedam nabeja tīseibu. I deļ kō plotņikam tīseibas?
   Vyspōr labi viņ ir, ka nav. 100% byutu ticss kaidā avarejā, ci kaidu sabraucss. Es tū jiutu. Par tū, ka pat ar ritiņi braucu, ka "отморозок"s. Nūpītni! Maņ ir pilneigi pofig, kaida gaisma luksaforā, kam prīkšrūka, pa kuru ceļa pusi jōbrauc. Braucu, kap byutu pyrmais, i varat īt dierst, ka namōkat braukt :)
6. Man vīgļi pazadūd vysaidas volūdas. Latvīšu dagō īzamōceit pyrms školas, krīvu "atgō pati". Vōcu jau byušu veiksmeigi aizmierss. Angļu maņ beja 1,5 semestri maģistranturā. Be šū tū varu pasceit un tehniskū literaturu un man'us varu izlaseit. Bet tys, laikam, ir vysim latgalīšim.
   Par tū, ka ir teicīņs:

   Zyna 10 volūdu - i vysas latgaliski!

7. Lelu daļu sovas dzeives asu nūdzeivōjs kojōs. LLU 2.dīnesta vīsneicā. Kan nav vyss izlausts, tod 121.ustobeņas interjerā jōbyun vairōkim dizaina breinumim. Golvā pareiķinūt saīt 8 pylni godi, jeb ¼ myuža. Gars strāčs. Izdzarts nažieleigs daudzums spirta vysaidu dzierīņu sastōvā. Kokteiļus nadzeru! A ols, samagonka, vodka, viskijs īt pi dūšas labi :)
   Recepte studentam:
   Vodka jōdzer teira. Tai, kai kojōs nikod nav zakuskas, tod ir jōizvōrej lels daudzums iudiņa (3l) un burkā jōīber malnais čajs. Jōuzdzer korsts! Nalītōt cukru!
   Ka rūceiba atļaun var ari uzkūst ar sagrīztim seipulim, kas porlīti ar citrona sulu (marināde) un pabārti ar svaigi dauzeitim malnajim piparim. 3 seipulim un 1 citronam naudu var saskribinōt, nūdūdūt tukšōs ols buteļis. Piparus īdūs pat lelōkais skūpuļs :)

Nu tai. Nalomojit par gramatikas kļiudom - latgalīšu spellčekera maņ nav :( A tik garā tekstā var byut breinumi :) Pats dyžan gribātu palaseit Raimonda, Saprges i Maikla 7 lītas. Pōrejī vysi jau, laikam, отстрелялись.