Cyxob'a žurnals » halturkas

Skolotāja brīvdienas

cyxob — Sun, 30 Aug 2009 19:13:45 +0000

Pādejā laikā galeigi navaru nikō īraksteit sovā žurnalā :( Nav spāka. Laiks varbyut i acarostu, a spāka nav. Vysu pajem halturkas. Tagad haltureju vasalus treis projektus parreizi. Nabeja, nabeja - i ša tev, Onton, bļīns :)
Vīns darbeņš nav eisti jauns. Vnk gon pasyuteitōjs, gon es bejam pasōkumu uz laiku nūsvīdušs molā. Puiši sovi - ari LLU absolventi. Ir dzarts kojōs kūpā. Tagad jau vyss tyvojās nūslāgumam. Jōsataisa galereja, jōpīlīk fotkas pi rokstim un jōsagaida tulkojums "in ingļiš". ekopartner.lv. Maņ dyžan pateik firmas produkts. Es pats byutu laimeigs dzeivōt taidā mōjī. Guļbyuve ar zemes mutu. Fantastika! Pošam atlosūt fotkas slīnas tak :) Nazkai vāļ naasu mīrā ar lopas krōsom. Varbyut pamainiešu, koč partnerim pateik i tai.

Par ūtrū es nikō pagaidam nasciešu. Tī vyss ir dyžan oficiali un pat ar leigumu :)
Trešais ir interesants projekteņš. Vosoras sōkumā pazvaņā pazeistamais un prasē, kap sataisu lopu gostu mōjai. Austrejā. Latvejā galeigi švaks bizness. Par tū puiši izdūmō nūpierkt gostu mōji Austrejas Alpūs un strōdōt tī. I pazuda. Tagad augustā pazarōdē un dorbs turpynojās. gasthofkatharina.eu. Austrejas domēņi .at zonā ir 3,14zdecki dōrgi, dagō jimt .eu. Tai pamozam byušu vysu sariktiejs. Palyka viņ sagaideit fotkas un tulkojumus n volūdōs.

Labi, ka vyss lelais lelums ir izdareits leidz 1.septembram. Sōksīs škola - nikō daudzi napastrōdōsi pa kreisi. Labi, ka īkryta itī dorbi - byus atspaids pi smīkleigōs olgas. 50% minusā nav nikaida jūka līta. Kap jius, padlas, deputati nūsprōgtu. A Tatjanu vyspōr gaida myužeiga degšona elnes gunīs! ;)

Aim bek

cyxob — Wed, 29 Jul 2009 10:25:41 +0000

Vosora paskrā kai vīns strāčs. Jau asu Jelgavā. Jōtaisa remonts ustobā. Plus vāļ divejas halturkas. Tai, ka nazynu, kod te kū jiedzeigu īraksteišu :( Nav laika. Tai viņ twitterī kū īčivynoju, paraleli dorbim.

Bez nosaukuma

cyxob — Tue, 24 Mar 2009 20:54:03 +0000

Nazkai galeigi nasaīt laika nikō īraksteit. Vysu laiku kas na viņ nūteik.

Beidzūt sōk nūtikt dzelas vīnā halturkā. Jau dūmōju, ka deļ krīzes projekts aizīs "pa pīskari", bet nikō -- dzeivs :) Un tuneļa golā tai kai gaismeņa radzama. Alfa verseja napacīteigajim. Dreižok vysa, ka headers un css vairs nabyus jōmūka. Jōaudzej viņ funkcionālō daļa. Apēda maņ koponu laika.

Ari inni96 aktivi strōdoj pi Austrumi Linux. Šudiņ teiklā pīejama 1.8.8 verseja. Pazajiemūs paleidzēt ar Cairo Dock sariktiešonu. Sōkumā nikaidā jāgā nasagō. Ņiuļa jau saprūtu, kai vyss strōdoj un nūzadorboju ar mōkslu (jōpīlosa lobas ikonas .svg formatā, kas ir gryuts uzdavums; i jōdazeimej jaunas, ka vaicojumi ni ar kū nav beigušīs).

Ilgi nūzajiemu ar GV. Tys ir uz ghostscript bāzeits PS un PDF failu rōdietōjs. "Mīseigō" grafika jam ir... mmm... nikaida :) Dagō zeimeit:

Okļerus pajiemu hz kur, i pordzynu vektorā. Cerams, ka pa golvu nadabōšu :) Ka dabōšu lobōkus ar breivū licenzi, portaisiešu. Reit kai reizi byus 3 tukšas mōceibu stundes.

p.s. Kai pīzavīnōju twitteram, nazaskotūs, jaunumus nekur.lv. Gona ar twitteri. Tys uz lobu?