Cyxob'a žurnals » soft

Vasara

cyxob — Thu, 15 Jul 2010 09:57:42 +0000

Sōkumā par īprīkšejā īrokstā īlyktū meikļi. Atrysinōjums ir dyžan sprosts. Īvītōtais "teksts" eisteneibā ir sankrīvu raksteibas skaitļi. Un skaitlis ҂АЦОЗ ir muns dzimšonas gods 1977. IMHO prikoļnō tēma tetoviejumim. Krīvim.

Jau 3 nedeļas dzeivoju derauņī. Laime. Laiceņš perfekts. Koč i pyrmō nedeļa beja dīzgon troka. Vysu laiku leja leits un nabeja saules. Vyspōr. Vysu laiku vīnaiži palāks i nikaidas nūjāgas, cik niuļa laika i kurā dabasu pusī ir saule. Ņiuļa rikteiga vosora. +30°C ir labi, bet pi +32°C gon nazagrib nikō, viņ guļāt ānā. Tai slopstutīs nu korstuma, asu izlasiejs vīnu grōmotu. Buržuju volūdā. Sparkes kundzes sarakstietū "The Genius of Design" (256 lpp.). Brīsmeigi interesanti. Maņ, kai СССР īdzeivōtōjam nebeja nikaidas saprašonas par dizaina atteisteibu "за бугром". Pi mysu to nikō nabeja -- vīns vīneigs ширпотреб's un breinumi Dzintarā. Grōmotu, kai jau vysi pādejā laikā, pajiemu bookdepository.co.uk grōmotneicā.

Vyspōr dzeivōt derauņī var ar lelu komfortu. Pa TV var bļisineitīs uz National Geographic, ka nav žāļ Ls 3,50 mienesī. Kai ari šļiukōt pa internetu. Sōkumā gon beja tehniskas problemas. Jau ūtrū godu maņ ir Okartes interneta puļķeits. Zona viņ švaka. Loksta nu EDGE 5 streipeņom un 3G 1 streipi un atpakaļ :( Dagō pīlikt USB vodu un izlaist puļķeiti breivdobā :) Pec "operacejas" loksta nu 3G 1 streipes uz divejom. Ōtrums lobs! Var youtubē vidzikus tiemēt.
Lelais paļdis ari @OKarte_lv twittera konta apkalpei. Strōdoj -- capuri nūst! Paleidzēja maņ ar puļķeiša darbynōšonu Linux'ā. Atsyutēja vajadzeigū softu. Un nu es varu kleist pa internetu ari nu Linux'a.
Pōrs īstatiejumu (deļ sevi, kap navaicōt pa lītōtōja pamōceibom):

Taidi ir muni prōtojumi itymā korstajā dīnā. Ānā ir +33°C un svīdri leist aumaļom. Zīmā byus par kū skumt.

Neslepenie skrīni

cyxob — Tue, 19 May 2009 20:48:45 +0000

Izdūmōju pazavērt, kas jauns pi MozōMeikstō īrokumūs. Pīsareģistrieju hotmail'a e-postā i nūvylku nu oficialōs mōjaslopas oficialū M$ Windows 7. Mauļa maņ sapysa vysu MBR'u :( Nu kod jau Redmondā itī indusi īzavīcēs OS instalatoram uzprogrammēt taidu, boot manageri, kas sadzeivoj ar cytom OS??? Ari ar sovom vacōkōm mōsom.
Princpā 7 uzlyku "на посмотреть". Informatikas školōtōjam pīnōkums spīž. Vajag, tak byut zynušam un "advanced" škoļņīku prīškā ;) Jīm pateik, ka školōtōji izmieģinoj jaunōs tehnoloģejas un naījem pozu "par win 95 nikas lobōks nav i nabyus!". Tai nu es jū pa mozeišom bokstu. Jūceigs jau nu jis ir. Vystu vyspōr asu izlaids un naasu lītōjs pavysam. Viņ cik kaidam draugam izmēst nu datora un uzlikt Linux'u ci XP.
Uz 7 likšu viņ superjaunu softu. Tagad testeju Firefox 3.5 Beta 4. Pi CooLynX'a šudiņ īraudzieju rokstu par Office 2010 Technical Preview. Padūmōju -- vajag! Dūmōts, dareits. Piešķi atrodu un uzlyku naradzātū zvāru.
NB! Pats asu OpenOffice.org 3.x lītōtōjs personeigim un izgleitōjušim mierķim, bet dorbā un školānu apmōceibai izmontojam M$ Office 2003 SP1. Tys gon nav uz ilgu laiku. Ofisa licenzes beigsīs ap septembri / oktobri, tod porīsim uz OO.o naudas tryukuma deļ. Maņ ta vīns peips. Dūmoju, ka bārni ari živai aprass. Jau tagad ir taidi, kas nas dorbus izdrukōšanai OO.o formatūs.
Tak vot! ©Ляпис Трубецкой
Atpakōju arhivu ar instalaceju un katalogim, i sōku. Instalators, IMHO, ir taids pats, kaids beja Office 2007 Beta 1/2. Taids pats tooooorrrrmooooozzzzzssss. Un ar Office 97 stila izvielnem :) Un serial numuru nimoz napaprasēja.

Pec instalatora mūceibom, Start menu pasarōdē jauna grupa:

Tai nu es sōku pa vīnai raudzeit jaunōs programmu versejas. Sōku ar wordu. Nazynu, ar kū jis acašķir nu 2007? Ni vīnu, ni ūtru naasu lītōjas tik ilgi, kap saprostu atšķireibas. Vīns gon ir skaidrs. Golvanais menu (atdariešona, saglobōšona, drukōšana, īstatiejumi) ir izapliets pa vysu ekranu. Monstrs!

Pats programmas lūgs ir dyžan leidzeigs 2007.

Nazynu, ci agrōk beja taida pūga, bet lentveida reiku jūslas var slēpt / rōdeit ar itōs pūgas mīdzīņi. Tys laikam nalelu ekranu (mozōk par 17") lītōtōjim.
Excel funkcejas kai beja purtā ar kōpustim, tai i palyka. Sprostai mōjsaimnīcei tikt golā ar funkcejom byus gryuši :(

PowerPoint's maņi varātu īinteresēt ar jaunim šablonim un cackom. Nikō taida naatrodu. Bet paspieju nūģiut "splešskrinu":

Access nu munas puses ir praktiski nalītōts 2007. Par tū nudi nazynu, kas jauns 2010 :( Paraudzieju kaidu lauku sataiseit. Nikas jauns nu Access 97 nav gōjs klōt:

Nu taids stōsts ar biļžom. Biļžu vaira. 20 minutes paspaidūt, jau rūnās viņ pyrmais īspaids. Detaļas var apjaust viņ ilgōkā laika strāčī. Munas izjiutas ir sekojūšas:
Vaira izaver pec evolucejas, kai revolucejas. Evoluceja varbyut ir, bet es jū nasajutu ;) Cauri vysu laiku syt ar naftalina smoku. Ofiss nazamaina. Kas beja Office 97 - tys i palyka. Viņ pūgas smukōkas sazeimietas. Dialogi nav mainejušīs ni druskas. Es naradzu īmaslu moksōt naudu par jaunū paku, ja ir jebkurš nu vacajim ofisim. Vāļ kaidu nedeļeiti pazaspieļōšu i izsvīšu.
P.S. Korporaceja var byut mīreiga -- produktu nazagšu u nalegāli nalītōšu. Un tests ari nūteik viņ izgleitōšanōs nūlyukā.

VLC 0.9.2

cyxob — Mon, 15 Sep 2008 15:22:30 +0000

Uŗa!!! VLC ir izgōjuse jauna verseja. IMHO lobōkais video atskaņōtōjs acateistās. Tys labi. Seikaikais ir tys, ka jam ir jauns izskots. Nu svareigim jaunumim: jaunu kodeku atbolsts (Dirac, Atrac3, APE utt.), uzlobōts dorbs ar subtitrim, var īkōrtōt mediabiblioteku, albumu vōceņu atbolsts.

Līki saceit, ka http://www.videolan.org/ gōž nu kōju. Maņ nūviļkt *.7z arhivu (nacīšu vysaidus instalatorus) viņ nu 6.reizes izadeve. Pi pyrmōs palaišanas parōdē lūgu, kura agrōk nabeja:

Labi, ka pabreidina ļauds par īspiejamōm darbeibom. Taida izaver jaunō seja:

File/Open lūgs kai vysod pateikami pīdōvoj vasalu koponu ar formatim:

Nu i beigom programmas īstatiejumu lūgs:

Te kai jau pīrosts vysaidu īstatiejumu ir da vamta. Loba ziņa pyrmūdīnai! Byus kaida kina jōpazaver. I jōpagaida ubuntam optimizieta paka kaidā repozitorijā.