Cyxob'a žurnals » tai dzeivojam

Haļava valda pasauli II

cyxob — Fri, 03 Jun 2011 07:17:40 +0000

Da. Nikas nav mainiejīs, haļava man nav porstōjuse patikt :)
Šudiņ nu reita, parreizi pec stuņdinīka reita zvona, maņ pa telefonu pīzvanēja kurjers i sacēja, ka ir klōt ar dōvonom. Līta taida, ka es pyrmūdiņ strōdōju vysu dīnu pi datora i lobōju informatikas eksamena dorbus un paraleli tam maņ fonā strōdōja Twitter's. Nu interneta veikala 1a.lv pazibēja paziņōjums:

Sākam!:) RT un seko @SamsungLV un @1a_lv!!! Šodien Twitter cena @SamsungLV NF210 tīmekļa datoram - TIKAI Ls 210!! http://bit.ly/iSxSAk

Nu es i porsyutieju. Koč ari @saprge i cyti dyžan čortojās, ka ļauds tai dora. A vokorā, kod atjōju nu dorba, izlasieju:

Pirmais laimīgais @SamsungLV un @1a_lv balvas ieguvējs - @cyxob! Apsveicam, lūdzu sazinies ar mums DM! Rīt gatavojamies jaunai akcijai:)

Es pat nabeju izlasiejs, kas ir dōvonā. Nu dūmōju, kaids atslāga pīkareņš, ci leitasorgs. Kod uzzynōju, ka tys ir ōrejais cītais disks, афигел!
Tai ņiuļa maņ uz rūkom ir itei breineigō dōvona. I smuka i praktiska. Byus, kur korstūs datus globōt. A vacais, lobais Western Digital ½TB byus deļ ōbuļa laika mašiņis.
Eva, kai smuki izaver:

Uzvelc!

cyxob — Wed, 09 Feb 2011 11:48:52 +0000

Tys nu ir nūtics -- es asu tics uzvelckreklu.lv. Kaidu strāčeiti atpakaļ aizsyutieju pōrs ideju uz jūs e-postu. Sajiemu atbiļdi, ka "ничётак", ja pi idejom vāļ pīstrōdoj. Tai nu es sōku pīstrōdōt, bet kontaktpersona pazuda ar golim. Izarōda, ka vaira tī nastrōdoj. Tai nu es sōku vysu proceduru par jaunu. Tyku tik tōļi, ka maņ īdeve paroļus ftp serveram, kap varātu nūformēt dorbus deļ veikala. Tū ari izdarieju. Ņuiļa asu mōkslinīka pačotā :) Muna profila lopa: http://uzvelckreklu.lv/lv/katalogs/musu_makslinieki/?id=407877 (eisō saite: http://ej.uz/9bat).
Uz itū momentu var pasyuteit sekujūšas apdrukas:

Vāļ ir īsyutieti divi dizaini, kuri napazarōda. Hz. Laikam pōršōvu par streipu o_O

Taidas tōs dzelas. Nazyni, kū padōvynōt draugam? Dōvynoj prikoļnū maiku, ci 3,14zdatū :)
Jer maņ dūma taiseit dizainu ciklu par Latgolu. Kū sokit? Mazynu cik klasika "Čiuļi pipši" izīs cauri, bet patriotiski-smukī byus!

Fucking rudens

cyxob — Thu, 26 Aug 2010 10:01:34 +0000

Vys vaira i vaira var just rudiņi. Pec pōrs dīnom jau sōksīs jaunais mōceibu gods :( Vosora proskrāja kai vīns strāčeits. Jau divejis nedeļas strōdoju. Ja tū var nūsaukt par dorbu. Škola vāļ nav kōrteibā -- vysur bardaks, ceļtnīki raun, putekļi, krōsas smoka. Vysi datori un goldi munā kabinetā stōv manis īpakōti pļāvī. Kod vareišu izpakōt un gatavōt jaunajam godam -- nazynu. Naīšu jau īspringt. Nav i navajag.

Progōjušā nedeļī siedieju kursūs. Tai i ir -- siedieju. Švakōkī kursi, kaidūs asu bejs. Lekceja 4 dīnu garumā. Tēmai ar mani un klōtasušajim školotojim nikaida sakara. Iznīkōtas vysmoz 720 cylvākstundes. Vāļ vīna nadyžan gudra bōba, kurai sakōps golvā vysu laiku apsauce klōtasūšūs, ja gribēja izasaceit, voi vīnkōrši pa klusū pazarunōt ar kolēģim. Kurva, bļa!

Niuļa, gaidūt uz sovu kabinetu, taisu papeirus stipendejai uz 3.kvalitātes pakōpi. Ls 400 ari nauda. Vāļ asu nūspiers ideju nu IKEA kataloga un seikajam taisu krāslu. Nu ūša. Vīgls i smuks. Cerams, ka byus ari ārts un praktisks.

Nu tai. Niuļa "ēterā" byušu cieškōk. Maņ ir daudzi jaunumu, par kū pastōstēt, bet vajag nūbrīst.

Krīze beigusies!

cyxob — Mon, 09 Aug 2010 11:55:19 +0000

Tai ir dāmas un kungi. Gribieju pazavērt, cik moksoj tumbeņas un izarōdēja, ka pierktōkōs moksoj 25'999.00 Ls voj 21'486.78 bez PVN. Tai, ka dzeive īt kolnā :)

Vasara

cyxob — Thu, 15 Jul 2010 09:57:42 +0000

Sōkumā par īprīkšejā īrokstā īlyktū meikļi. Atrysinōjums ir dyžan sprosts. Īvītōtais "teksts" eisteneibā ir sankrīvu raksteibas skaitļi. Un skaitlis ҂АЦОЗ ir muns dzimšonas gods 1977. IMHO prikoļnō tēma tetoviejumim. Krīvim.

Jau 3 nedeļas dzeivoju derauņī. Laime. Laiceņš perfekts. Koč i pyrmō nedeļa beja dīzgon troka. Vysu laiku leja leits un nabeja saules. Vyspōr. Vysu laiku vīnaiži palāks i nikaidas nūjāgas, cik niuļa laika i kurā dabasu pusī ir saule. Ņiuļa rikteiga vosora. +30°C ir labi, bet pi +32°C gon nazagrib nikō, viņ guļāt ānā. Tai slopstutīs nu korstuma, asu izlasiejs vīnu grōmotu. Buržuju volūdā. Sparkes kundzes sarakstietū "The Genius of Design" (256 lpp.). Brīsmeigi interesanti. Maņ, kai СССР īdzeivōtōjam nebeja nikaidas saprašonas par dizaina atteisteibu "за бугром". Pi mysu to nikō nabeja -- vīns vīneigs ширпотреб's un breinumi Dzintarā. Grōmotu, kai jau vysi pādejā laikā, pajiemu bookdepository.co.uk grōmotneicā.

Vyspōr dzeivōt derauņī var ar lelu komfortu. Pa TV var bļisineitīs uz National Geographic, ka nav žāļ Ls 3,50 mienesī. Kai ari šļiukōt pa internetu. Sōkumā gon beja tehniskas problemas. Jau ūtrū godu maņ ir Okartes interneta puļķeits. Zona viņ švaka. Loksta nu EDGE 5 streipeņom un 3G 1 streipi un atpakaļ :( Dagō pīlikt USB vodu un izlaist puļķeiti breivdobā :) Pec "operacejas" loksta nu 3G 1 streipes uz divejom. Ōtrums lobs! Var youtubē vidzikus tiemēt.
Lelais paļdis ari @OKarte_lv twittera konta apkalpei. Strōdoj -- capuri nūst! Paleidzēja maņ ar puļķeiša darbynōšonu Linux'ā. Atsyutēja vajadzeigū softu. Un nu es varu kleist pa internetu ari nu Linux'a.
Pōrs īstatiejumu (deļ sevi, kap navaicōt pa lītōtōja pamōceibom):

Taidi ir muni prōtojumi itymā korstajā dīnā. Ānā ir +33°C un svīdri leist aumaļom. Zīmā byus par kū skumt.

Nauda seko skolēnam

cyxob — Thu, 17 Jun 2010 10:24:42 +0000

No Money, No Funny...

Taida ir situaceja myuslaiku Latvejā. Vajag, kap školā byutu daudzi bārnu. Kur bārni tī nauda. BET, kai sacietu Godmanis, nav vyss tik sprosta. Vaļsts pa druskai pīgrīž skōbekli :) Niuļa ir taidi MK nūteikumi, ka porceļt uz nōkušū klasi pamatškolā (5. … 9.kl.) var ar divejom nasekmeigom atzeimem (1 … 3 balles), bet vydusškolā (10. … 12.kl.) ar nivīnu taidu atzeimi. Itymā godā kryta pyrmī upuri. Vysas progresivōs ciļviecis drauds matematika, izsyta nu īrindas daudzus jaunūs cansūņus. Vysu godu dzyna luņi un beigōs - BĀC!
Tai vīnkōrši jau nav, ka īlyka "2" i staigoj. Sōkumā školānam ir dūta īspieja vysu lobōt. 2 nedeļu laikā jōīzavīca vysa goda mōceibu vīla un jōnukōrtoj pecporbaidejums. Pecporbaudiejuma atzeimi pīleidzynoj goda atzeimei! Kruta! Eksterns slāptā formā.
Loģiski, ka matematiku nūkōrtō viņ pōreits bārnu. I tod sōkās... Vasals bors aizīs nu školas. Nabyus vīnas klases. Nabyus stundžu, kū strōdōt školōtōjim. Nabyus €£$!!!
Nu kō, atroda tymūs nūteikumūs rindu, ka var kōrtōt ekspertu sastōdeitus uzdavumus. Nabadzeņi matematiķi izdūmō super-puper uzdavumus, kū lelōkō daļa ari semeigi nūkōrtō.
I deļ kō itī cyrki? Es parreizi pascieju, ka školānus jaunajūs laikūs jōuztver navys kai personeibas bet staigojušus naudas maisus. Kam vaira maisu - tys kruts! I ka dabōji sev tū naudas maisu, turi da gola, naizlaid nu rūku! Lai ir pi teva da 12.klases beigu. A ar kaidim rezultatim jis nūliks eksamenus, по барабану! Golvanais, kap vysi byutu paāduši.

Biļde nu ChicagoGeek

Par lobu Latveju!

Ieraksts bez nosaukuma

cyxob — Fri, 21 May 2010 08:46:42 +0000

Skrīšona sōk paļikt lānōka. Školas gods īt uz beigom. Šudiņ "pādejais zvons" 9. un 12. klasem. Bonuss - nabyus pādejūs 4 stundžu :) Uz zvonu es tai pat naīšu. Besej tī pūrduļi i gauduļeigais soundtrack's :P

Vakar maņi gūdynōja par sasnīgumim. Vāļ vīns beseigs pasōkums (publikaceja 1 un publikaceja 2). Kai muzykanti beja daaicynōti "Drums Clinic". Myusu vīns škoļņīks spieļoj tī. Dorbmōceibā švaks, bet uz skatuves ничётак. Beja maņ īzakrōjušs panōkumi: 2 pyrmōs vītas olimpiāžōs, ZPD tyka uz Zemgales skati un metodiskō izstrōdne sajāmuse lobu recenzeji nu LLU. Par vysu dabōju 2 grōmotas ar nazkaidas bōbas un diktatora Ulmaņa citātim. Ulmaņa citāti gon ir rieceigi. Nazynu, ci gōmota ir komedejas vai propogandas žanrā. Pa maņim - komedeja :)

Un nūslāgumā, literatura. Vakar gōju uz autobusu un pītureņa beja pylna ar peipejušim škoļņīkim. Jī beja ari uz ceļa un pi transformatoru butkas. Gōju un izdūmōju lobu īvodu stōstam:

Apkārtne piepildījās ar lētu cigarešu dūmu smaku. Skolā bija sācies starpbrīdis. :)

LOL

Laikam pavasars

cyxob — Tue, 28 Apr 2009 08:04:11 +0000

Divu dīnu laikā bārzs pi mōjis jau vyss lopōs. Svātdīn viņ pumpurūs beja! Asu pōrgōjs uz šortim. Laiks atļaun. Nazynu, kai byus 4din.
Vot jau 2 dīnas rokstu atskaites Eiropas Socialajam fondam par tū, kai atstrōdōju jūs stipendeji. Projektam nūsaukums ari brīsmeigs: „Atbalsts vispārējās izglītības pedagogu nodrošināšanai prioritārajos mācību priekšmetos”. Ka pa sprostam, tod $$$ tīm, kuri mōca pareizūs prīkšmetus vysmoz 9h nedeļī 7...12.klasem.
A uz IIF projektu šūgod nikō nauzrakstieju. Syvāni nadūd naudu nikam gožām. Viņ mōkslom i kulturai bļa :( Найух myusim kultura? ;) A ka nūpītni -- taida nūstōja nav saprūtama. Progōšā konkursā uz dobaszineibom, matematiku u.t.t. beja vysvaira īsnīgumu un lelōkais konkurss. Itūgod figu! Laikam nagrib čakarātīs. Mozōk pīteikumu -- mozōk dorba pošim. Var dzeit haļavu. Kas tai ari pi jūs birojā izavēre.
Daīs naudu zagt ci sist pa muti kapitalistiskajim imperialistim un atjimt...
Vāļ asu pasōcs lītōt dropbox servisu. Pazateicūt @blackhalt čivynōjumim. Un maņ pateik! Vysas Eiropas atskaites ir sasinhronizietas sātā, dorbā i kungston usb fleškā. Fleška viņ ōrkōrtas gadejumam, ka nav interneta (kai šudiņ vysu reitu). Strōdoj Linux'ā gon MacOS, caur web-mordu uz jebkaida kalkulatora i pat M$ Windows'ā. Īsoku!
Upz! Bek tu vork...

Pakaļa

cyxob — Thu, 23 Apr 2009 12:47:30 +0000

Pakaļa ir tyvu, tyvu. Lela i malna -- bez gaismaņas golā :)
Vakar pōri golvai gōzēs tik daudzi syudu, ka taids īspaids rodās.
Es strōdoju švakā dorbā. Školā. Škola ir pašvaldeibas dybynōta īstōde. Leidz ar tū nav īspiejama nūdūkļu "optimizaceja" :( Es NAGRIBU moksōt nūdūkļus ITAI vaļstij. Fuck off! Par kū maņ vyspōr uztureit darmajedus, kas nu maņi borojās, ir nūdrūšinōti ar kancelejas precem (maņ naapmoksoj pat 1! pyldspolvu godā), veseleibas apdrūšinōšonam un cytim bonusim. Redz tagad jīm jem nūst bonusus. Maņ bonusu nabeja -- grīž olgu. VID'ā tagad jōstrōdoj viņ 4 dīnas. Es ari gribu sajimt par 20% mozōk i nastrōdōt pa pīktdinem! Varātu taiseit halturkas.
Sīva soka, ka nūdūkļus vys vajadzātu moksōt. Un tod mes sōkam dūmōt -- kurais nu tuvinīkim moksoj. Nazkai moz tū moksōtōju, labi, ka puse. Nauda kanvertā ruļavoj pa Latveju! Viņ es kai lohs moksoju :(
Itai zivei, kura saucās par vaļsts pōrvaldi, golva jau seņ ir atrofieta i sapyvuse. Nalabi smird (kotru dīnu pavalk ar jaunu smoku, šudiņ kōrtejais 3,14dars atmaskōts).
Nu nikas, atīs 7.juņs, vaļsts bankroteis. Jau tagad skaidrs, ka nūvodūs ejušī pogosti naudu nūtrīc uz valla paraušanu. Kases byus tukšas. Tagad vysim vyss ir похуй. Putru strebs fucking nūvodi. I tod sōksim jaunu dzeivi kai 1918.g. 19.novembrī ci 1991.g. 22.augustā. Pazaver jaunas īspiejas nū na viņ nūzagt :)
Stōdit buļbis, siejit burkonus, bīts, ogūrčus, tomātus, tabaku. Nu pakaļas kai ni beis byus jōteik ōrā.

Uff!

cyxob — Fri, 27 Feb 2009 21:07:38 +0000

Nedeļa golā!!! Acalaižu divanā i īdzieru Finlandia Vodka glōzeiti (3 ka pavysam gūdeigi). 3,14zdec...
Projektu nedeļa viņ sprostām školōtōjam ir haļava. Informatiķi "пашут". "Man flešs neiet! Man pazuda!!! Man nestrādā...!!! Man VAJAG!!!!! u.t.t. Pi maņi ≈500 lopu izdrukōts + pi kolegas 500+ [pi jō boltais papeirs, a pi maņi pogosta palākais :)]. Meži, meži...
+ dagō školā vysim 15 (n) datorim par jaunu datoru pīvīnōt domenam (w2k3 server crash) i sarikteit škoļņīka profilus:

Login, kai admins;
Join to domain;
Jaunō Firefox 3.06 instalaceja;
Vysa vacō škoļņīka profila mapes dziešona;
Login, kai skolens;
Sareikteit uz "Adjust for best prformance" i ķekseits "Common tasks for folders";
Pīvīnōt klaviaturai izkōrtōjumu Latvian + Apostrofs 0.3;
Palaist M$ Office i sarikteit, kap rōdeitu pynūs menu i reikus 2 rindōs;
Palaist Firefox, salikt Bookmarkus uz školas ftp serveri reiku jūslā;
Uzlikt addonus:
- adblock_plus-1.0.1.xpi (reklama -- zlo!);
- colorfultabs-3.2-fx.xpi (kap smuki);
- fireftp-1.0.4-fx.xpi (ftp klients -- dyžan vajag);
- flashblock-1.3.11.xpi (flash = reklama, reklama -- zlo!);
- foxfilter-6.0-fx.xpi (tev nabyus -- sex, porno, 18+, u.t.t.);
- menuedit1_2_6.xpi [tev nabyus redzeit menu pūgas, kuras te navajag :)].
tagad tys pats vāļ n-1 reizes :);

Tō vysa vāļ tryuka, a školā 5diņ nūtyka rajona olimpiāde informatikā. Otkol 15 datorūs taisam lītōtōjus 01...15 i kotram Apostrofu, Office, failus olimpiādei...
ZB!
Bet pa breivim strāčim, vysam par speiti, uz školas "Gauja"s uzlyku Ubuntu 9.04 (Jaunty Jackalope). Asu dyžan apmīrinōts :) Relīzes 8.04 i 8.10 beju izlaids (siedieju uz 7.10). Tik daudzi pateikamu seikumu, ka nav slynkums kotru dīnu likt pa 60MB kļiudu lobojumu. Pi vīnom sōpem uzlyku ari LAMP. Tagad pōrlyukā uzsytūt adresē: 192.169.250.17 var redzeit uzrokstu:

It works!

Pec laacz roksta, sazagribē īkšteiklā uztaiseit wiki. Jau padzonōju uz winpc uz localhosta -- tai nikō. Byus byut! Media wiki (90%).
Labi, gona! Fonā īt MTV two, kur redzieju MEGA reklamu (zynu, zynu -- reklama zlo!). BET itais rikteigi калбасит! Veramīs: