Cyxob'a žurnals » twitter

Haļava valda pasauli II

cyxob — Fri, 03 Jun 2011 07:17:40 +0000

Da. Nikas nav mainiejīs, haļava man nav porstōjuse patikt :)
Šudiņ nu reita, parreizi pec stuņdinīka reita zvona, maņ pa telefonu pīzvanēja kurjers i sacēja, ka ir klōt ar dōvonom. Līta taida, ka es pyrmūdiņ strōdōju vysu dīnu pi datora i lobōju informatikas eksamena dorbus un paraleli tam maņ fonā strōdōja Twitter's. Nu interneta veikala 1a.lv pazibēja paziņōjums:

Sākam!:) RT un seko @SamsungLV un @1a_lv!!! Šodien Twitter cena @SamsungLV NF210 tīmekļa datoram - TIKAI Ls 210!! http://bit.ly/iSxSAk

Nu es i porsyutieju. Koč ari @saprge i cyti dyžan čortojās, ka ļauds tai dora. A vokorā, kod atjōju nu dorba, izlasieju:

Pirmais laimīgais @SamsungLV un @1a_lv balvas ieguvējs - @cyxob! Apsveicam, lūdzu sazinies ar mums DM! Rīt gatavojamies jaunai akcijai:)

Es pat nabeju izlasiejs, kas ir dōvonā. Nu dūmōju, kaids atslāga pīkareņš, ci leitasorgs. Kod uzzynōju, ka tys ir ōrejais cītais disks, афигел!
Tai ņiuļa maņ uz rūkom ir itei breineigō dōvona. I smuka i praktiska. Byus, kur korstūs datus globōt. A vacais, lobais Western Digital ½TB byus deļ ōbuļa laika mašiņis.
Eva, kai smuki izaver:

Haļava valda pasauli!

cyxob — Tue, 07 Dec 2010 10:28:23 +0000

Vysi zyna, ka maņ dyžan pateik haļava. Jebkaida. Pat syuda bukleti informacejas centrūs jōjem sev :) Tai nu es medeju haļavu ari internetā. Vīna nu īspiejom ir pīsadaleit vysaidūs konkursūs twitterī. Pīmāram, interneta veikals xnet.lv taisa konkursu kurtu caturtdīnu. Tai nu es jau nu oktobra pīzadolu xneta konkursūs. Vysu laiku maņ beja viņ abloms, bet progōjušā reizē maņ pazaveice! Es dabōju sumku. Sumku datoram. Smuka i loba! Dyžan kvalitativa. Kai nikai ražōtōjs ir slavenais Belkin.

Breineigi! Xneta darbinīki maņ sumku atvede uz sātu. Pat navāgō uz Reigu jōt.
Prīca ta prīca, bet haļavai ar rūku atmets naasu. Pīzadaliejju ari Kristapa reikōtajā Nokia N8 izlūzē. Laimeigais beja Mr.Serge. Eva kaids prīceigs!
Bet vāļir ari ūtra, no Sūmejas atvastō Nokia. Tū izlūzej Māris. Šudiņ tvitterī jis īčivynōja:

Katrs, kurš retvītots šo ziņu, piedalās @NokiaLatvia Somijā dāvātā Nokia N8 izlozē. http://twitpic.com/3dp0y6

Tai nu armeja haļavas gribietōju roda baizmeigu trafiku un "засоряют эфир" :) Es tai skaitā. Bet haļava ar tū nazabeidz. Vāļ šudiņ var dabōt beļetus uz ķinu nu Samsunga:

Labrīt! Atgādinam, ka vēl līdz plkst. 12.30 ikvienam mūsu sekotājam, kas retvītos šo ziņu, ir iespēja laimēt 2 ielūgumus uz Cinamon!

Un ari latgalīšu pōsoku disku nu Jureiša:

BOLVA: "Latgalīšu puosoku i puorsoku" disks - retvītoj itū zini i Tu byusi vīns nu loterejis dalinīkim! :) bolvu nūsyuteišu pa postu.

Haļava ruļavoj! I tai kotru dīnu :)
p.s. Atvainoj, Saprge ;)

Neo msg

cyxob — Wed, 22 Sep 2010 08:13:15 +0000

Twitterī nūteik ari nūpītnas lītas. Vakar Neo īlyka ziņōjumu:

Rudens ir pienācis... Laiks atmodai... http://www.mediafire.com/file/pes3hz3aq1d40x5/explosive.tc

Maņ palyka interesanti un es nūvylku failu, kas izarōdē programmas TrueCrypt fails. Aizsorgōts ar paroli. Neo gon deve mōjīņi:

Vienu paroli var uzminēt - lietvārds, ko bieži lietoju, datīvā. Otra parole tiks atklāta pirms vēlēšanām.

Teic nu gudrs :( Dūmōju - nu lai i stōv, cikam uzzynōšu paroli. Ilgi gaideit navajadzē. Nu reita vīns cīnejams kungs izmete:

Starp citu, ja kāds grib palasīt to TC irrelevant teksts no @neo4ata , tad parole ir "sistemai" =) #TC

Tai es tyku failā vydā. A vydā ir lyugšona. Vīnkōrša lyugšona, bet satureiga. Kai saprūtu, beja paradzāta aizlīgtajam "Tautas lūgšana" pasōkumam Reigā (seikōk).

Tod nu es publiceju lyugšonu sovā žurnalā:

Kas dzīvo Visuaugstākā patvērumā un mīt Visuvarenā ēnā, tas saka uz To Kungu: "Mans patvērums un mana pils, mans Dievs, uz ko es paļaujos!" Jo Viņš tevi glābj kā putnu no ķērēja cilpas, pasargā no iznīcinātāja mēra. Viņš tevi sedz ar Saviem spārniem, zem Viņa spārniem tu esi paglābts; Viņa patiesība ir tavs vairogs un bruņas. Tu nebīsties nakts briesmu, nedz arī bultu, kas dienu skraida, nedz mēra, kas tumsā lien, nedz sērgu, kas pusdienā nomaitā. Jebšu tūkstoši krīt tev blakus un desmit tūkstoši tev pa labo roku, taču tevi tas neskars. Tiešām, tu vēl skatīsi ar savām acīm un redzēsi, kā bezdievjiem tiek atmaksāts. Tiešām, Tu, ak, Kungs, esi mans patvērums! Visuaugstāko tu esi izraudzījis sev par aizsargu. Nekāds ļaunums tev nenotiks, nedz kāda nediena tuvosies tavai teltij, jo Viņš sūtīs tev Savus eņģeļus tevi pasargāt visos tavos ceļos. Viņi tevi uz rokām nesīs, lai tava kāja nepieduras pie akmens. Pār lauvām un odzēm tu varēsi staigāt, tu samīsi jaunos lauvas un čūskas! "Tādēļ, ka viņš Man stipri pieķēries, Es viņu izglābšu; Es viņu paaugstināšu, jo viņš pazīst Manu Vārdu. Kad viņš Mani piesauks, tad Es viņu paklausīšu; Es viņam esmu klāt bēdās, Es viņu izraušu no tām un celšu godā. Es viņam došu ilgu mūžu un parādīšu viņam Savu pestīšanu!"

Gaidam ūtrū paroli, kas atklōs vysaudus breinumus eisi pyrms pošom vieliešonom.

Vasara

cyxob — Thu, 15 Jul 2010 09:57:42 +0000

Sōkumā par īprīkšejā īrokstā īlyktū meikļi. Atrysinōjums ir dyžan sprosts. Īvītōtais "teksts" eisteneibā ir sankrīvu raksteibas skaitļi. Un skaitlis ҂АЦОЗ ir muns dzimšonas gods 1977. IMHO prikoļnō tēma tetoviejumim. Krīvim.

Jau 3 nedeļas dzeivoju derauņī. Laime. Laiceņš perfekts. Koč i pyrmō nedeļa beja dīzgon troka. Vysu laiku leja leits un nabeja saules. Vyspōr. Vysu laiku vīnaiži palāks i nikaidas nūjāgas, cik niuļa laika i kurā dabasu pusī ir saule. Ņiuļa rikteiga vosora. +30°C ir labi, bet pi +32°C gon nazagrib nikō, viņ guļāt ānā. Tai slopstutīs nu korstuma, asu izlasiejs vīnu grōmotu. Buržuju volūdā. Sparkes kundzes sarakstietū "The Genius of Design" (256 lpp.). Brīsmeigi interesanti. Maņ, kai СССР īdzeivōtōjam nebeja nikaidas saprašonas par dizaina atteisteibu "за бугром". Pi mysu to nikō nabeja -- vīns vīneigs ширпотреб's un breinumi Dzintarā. Grōmotu, kai jau vysi pādejā laikā, pajiemu bookdepository.co.uk grōmotneicā.

Vyspōr dzeivōt derauņī var ar lelu komfortu. Pa TV var bļisineitīs uz National Geographic, ka nav žāļ Ls 3,50 mienesī. Kai ari šļiukōt pa internetu. Sōkumā gon beja tehniskas problemas. Jau ūtrū godu maņ ir Okartes interneta puļķeits. Zona viņ švaka. Loksta nu EDGE 5 streipeņom un 3G 1 streipi un atpakaļ :( Dagō pīlikt USB vodu un izlaist puļķeiti breivdobā :) Pec "operacejas" loksta nu 3G 1 streipes uz divejom. Ōtrums lobs! Var youtubē vidzikus tiemēt.
Lelais paļdis ari @OKarte_lv twittera konta apkalpei. Strōdoj -- capuri nūst! Paleidzēja maņ ar puļķeiša darbynōšonu Linux'ā. Atsyutēja vajadzeigū softu. Un nu es varu kleist pa internetu ari nu Linux'a.
Pōrs īstatiejumu (deļ sevi, kap navaicōt pa lītōtōja pamōceibom):

Taidi ir muni prōtojumi itymā korstajā dīnā. Ānā ir +33°C un svīdri leist aumaļom. Zīmā byus par kū skumt.

Don’t Worry, Be Happy!

cyxob — Tue, 20 Apr 2010 13:55:59 +0000

Asu nūzaskriejs kai vōvere skrytuļī. Ik pa laikam uzīt gribiešona kū ni beis īraksteit žurnalā, bet variešonas nav :( Pat Twitterī labi, ka vīnu īrokstu pōrs dīnōs īčivynoju. Bļ...
To tys to itys. I tai nu reita da vokoram. Pīzapysa školas vadeiba, ka jōroksta metodiskais dorbs, kap nōkušā godā byutu punkti stipendejai. Symtu godu maņ vajag tūs punktus. Minimumu tai pat sakasietu. A nā - davai roksti... Na maņ vajag, a tev, kap skaitietūs, ka tu stōdoj. Es pyrma stundis vodu, tod vysu pōrejū. A tev dorbs maņ dzeivi čakarāt. Skaitās, ka izgleiteibā nav naudas. Prodzenit metodiķus, inspektorus, īriedņus, aģenturu "aģentus" i byus nauda! Da kuļis :)
Pa itū laiku nūpierku jaunu TV kasti. Vacajai sōkās 3,14zdec pamozam. Krīze loba dzela. Kap rozpōrdūtu preces, veikali beidzūt sōk dūt ciļvieceigas atlaides. 30% jau ir vārā jemami. Bet ar nūpierkšonu dzela jau nazabeidz. Gribieju tikt vaļī nu Baltkoma dekodera un īspraust Conax, bet apsalaužu :( Izarōda, ka baltkomam ir frekvences starp metru un decimetru viļņim, kū ģiun na vysi televizori. Tai maņ meistars pascēja :( I prauda, naskanej, syvāns, vysas frekvences. Bet paļdis tai pat naradzamajam gareņam, kas atbiļd par @Baltkom twitter kontu! Izkōrtōja munā vītā meistaru un laipni ar mani apzagōja. Cik īvārōju, tod soc.teiklūs firmas ir dyžan pīklōjeigas un uzmaneigas pret klientim. Laikam par tū, ka tagad taidus Twitterus vāļ nalītoj kurš kotrs, bet publika te izgleitōta un inteliģenta. Cikam kas...
Jelgavas RD Elektronikā arī pōrdeveji beja laipni. Atdevu tū nalaimeigū Conax moduļi. Parreizi anuļā darejumu un porskaitēja naudu atpakaļ. Pyrms krīzes byutu dierst pastyutiejuši, gon jau. Un dabōtu godu ar PTAC'a paleidzeibu čakarātīs, cikam atdabōtu sovus tūs 20 latus.
Vot itai maņ īt. Byus spāks, likšu rokstus vāļ.

Twitter un Linux

cyxob — Mon, 28 Dec 2009 14:54:22 +0000

Pyrma apsveicu Linusu 40 godu jubilejī!!!
Mda, Linux vaira nav tys. Pādejā laikā vys vaira leidzeigōks MacOS. Pat winda galeigā dyrsā atstōta. Tī user vulgaris ir spīsts pats zynōt vysaidu programmu nūsaukumus, zynōt kai i kur programmas var atrast, jam jōmōk programmas instalēt, kur nu vāļ krjakōšona i S/N medeibas :(
Ubuntu lītōtōjam ņiuļa vyss ir leidz napīklōjeibai sprosta. Jōdamīdz Programmas / Ubuntu programmatūras centrs:

Tōļōk ci jōtaustās pa kategorejom, ci vaicōšonas laukā jōroksta, kū sazavādzēja. Es rakstieju - "Twitter". Rezultatu nabeja daudzi:

Bet programmas ir atbylstūšas un lītojamas. Viņ ni maņ :( Napatyka nivīna. Pec TweetDeck vyss pōrejais izaver nanupītni. Pazavieru, ci ir Adobe AIR. Nav! Ura, byus vacais lobais dancs ar bubynu! :)
AIR var dabōt Adobes serverī:

http://get.adobe.com/air/

Datorā byus īlōdeits fails AdobeAIRInstaller.bin Pabokstūt failu ar peli nikas nanutiks :) Unsupported format. Khe! Līta taida, ka failu jōdarbyna komandrindā. cd uz faila acarašanōs vītu (dreižōk vysa tovskonts/Downloads ci tovskonts/Lejuplādes) un jōizpylda:

chmod a+x AdobeAIRInstaller.bin

bet pec tam:

sudo ./AdobeAIRInstaller.bin

Tōļōk jau jōboksta OK/Yes lūgā. Tod jau var likt pošu Tweetdeck. Pajimt var nu:

http://www.tweetdeck.com/beta/download/

Instalaceja nūteik in da fucking vižual mode, paprosūt root paroļi attīceigā laika strāčī.

Tai es kōrtejū reizi pabakstieju vairōkus twitter klientus, bet palyku pi Tweetdeck. Prīks, ka deļ AIR programmu var lītōt i linux'ā i ōbuļī i lūgūs. Tūmār AIR ir loba platforma.

Bez komandrindas apzajīt eisteneibā varāja. Beja failu pōrlyukā ar peli jōsaboksta *.bin failam atļaujas uz izpiļdi, kai programmas failam. Bet tys ir ilgi un mūkūši. Terminalā sprostōk ;)
Ņiuļa variešu pasavērt, kas jauns. Kai nikai jauna dorba nedeļa sōkusēs. Maņ breivlaiks. Pōrs dīnu. Cikam remonts školā.

Aim bek

cyxob — Wed, 29 Jul 2009 10:25:41 +0000

Vosora paskrā kai vīns strāčs. Jau asu Jelgavā. Jōtaisa remonts ustobā. Plus vāļ divejas halturkas. Tai, ka nazynu, kod te kū jiedzeigu īraksteišu :( Nav laika. Tai viņ twitterī kū īčivynoju, paraleli dorbim.

2.7.1

cyxob — Mon, 08 Jun 2009 10:23:37 +0000

Iz Twitter:

@MarisRelins: Silti iesaku visiem upgradedot WP uz jaunāko versiju. nombre.lv arī bija saķēris to malware figņu.
@arturs: @MarisRelins Kas tā par malware figņu?
@MarisRelins: @arturs tiek uzlausts wordpress, un headerī ielikts iframe. kad lietotājs nāk uz lapu, tad piedāvā novilkt .exe failu

Tai nu es steidzameibas kōrtā atjaunynōju sovu WP leidz 2.7.1 versejai. Dūma jau beja pagaideit 2.8.0, bet dagō pazasteigt. Nagribu sovus lasietōjus "aplaimōt" ar virusim. Bet 2.8 uzlikšu gon! Brīst vīns nalels projekteņš, kuram dūmoju izmontōt WP.
Vyspōr jau lobu laiku kai izmontoju Twitter. Loba līta! Vysu laiku zyni vysus jaunumus, kai ari vari pasadaleit ar sovim jaunumim. Žurnala īrokstam tūmār ir jōnubrīst, jōsazagatavoj un tod jōroksta. A te -- vyss pa ōtrū. AK-74. Tra-ta-ta-ta, i "отстрелялся" :) Ir izeveidōjs ļaužu lūks, kam sekoju. Mani ari losa pōrs cylvāki. Kod nūbrīšu, uzrakstiešu aprokstu: kas pa kam, ar kaidom programmom u.t.t.

Bez nosaukuma

cyxob — Tue, 24 Mar 2009 20:54:03 +0000

Nazkai galeigi nasaīt laika nikō īraksteit. Vysu laiku kas na viņ nūteik.

Beidzūt sōk nūtikt dzelas vīnā halturkā. Jau dūmōju, ka deļ krīzes projekts aizīs "pa pīskari", bet nikō -- dzeivs :) Un tuneļa golā tai kai gaismeņa radzama. Alfa verseja napacīteigajim. Dreižok vysa, ka headers un css vairs nabyus jōmūka. Jōaudzej viņ funkcionālō daļa. Apēda maņ koponu laika.

Ari inni96 aktivi strōdoj pi Austrumi Linux. Šudiņ teiklā pīejama 1.8.8 verseja. Pazajiemūs paleidzēt ar Cairo Dock sariktiešonu. Sōkumā nikaidā jāgā nasagō. Ņiuļa jau saprūtu, kai vyss strōdoj un nūzadorboju ar mōkslu (jōpīlosa lobas ikonas .svg formatā, kas ir gryuts uzdavums; i jōdazeimej jaunas, ka vaicojumi ni ar kū nav beigušīs).

Ilgi nūzajiemu ar GV. Tys ir uz ghostscript bāzeits PS un PDF failu rōdietōjs. "Mīseigō" grafika jam ir... mmm... nikaida :) Dagō zeimeit:

Okļerus pajiemu hz kur, i pordzynu vektorā. Cerams, ka pa golvu nadabōšu :) Ka dabōšu lobōkus ar breivū licenzi, portaisiešu. Reit kai reizi byus 3 tukšas mōceibu stundes.

p.s. Kai pīzavīnōju twitteram, nazaskotūs, jaunumus nekur.lv. Gona ar twitteri. Tys uz lobu?